إطلالة على ساحل جونية مع صحن مغنج: سنفروا معنا ع قهوة سنفريان

مين فينا ما بيتذكر غنية “سنفرلو عالسنفريان” للفنان الراحل فيلمون وهبي؟ الغنية الفكاهية المستوحاة من كلمة سنفريان، وهي جملة فرنسية بمعنى “غير مهم” “ça ne fait rien”، صارت تحكي قصة غير بهل القهوة حد البحر، قصة أكل لبناني تراثي و قعدات ما بتنتسى. سنفروا معنا لنشوف شو خبرية هيدا الكافيه بجونية.

قهوة سنفريان بتجمع لمسات تراثية من الزمن الجميل، تفاصيل و نقشات موديل قديم، مع قعدة مودرن ورايقة. عندها إطلالة بحرية مميزة لساحل جونية بتمد على بعد النظر. فيكن تاخدوا لقطات كتير حلوة هونيك ما بتلاقوها وين ما كان.

عندكن فرصة تذوقوا الأكل اللبناني التراثي على الأصول ، الطاولة بتضلها مليانة وصحنكن مغنج ع الآخر، و كل كدشة أقوى من التانية. عندن صحون المشاوي غير شكل والتقديم كتير مميز.

الرقم: ٨١٧٥٥٠٥٥

شوفوا كمان، مطعم هوا جرجوع: قعدة بالجنوب بين السما والجبل رح تسحركن.