مطعم الريف: سفرة لبنانية على رمرمية وقعدة على صوت المي

زهقتوا من نفس المشاوير وعبالكن تجربوا مطعم جديد؟

اهربوا من العجقة وروحوا صوب الجنوب وتحديداً على منطقة بسري يلي بتحكي عن جمال الطبيعة الخضرا وبتنسج أجمل قصص عن تاريخ هل قطعة المميزة من لبنان.

مطعم الريف بيتميز بقعدة بتجنن وبتطل على أحلى المناظر الخضرا بمنطقة بسري.

بيتميز ديكور مطعم الريف بالقعدة الجبلية يلي بتفتح النفس.

فاتح بوابه من سنة 1965 ويستقبل جميع الزوار ومحبي الأكل اللبناني التقليدي وحامل ذكريات الزمن الجميل وإيام لبنان الحلوة.

مش بس هيك، في تراس بتسمعوا صوت المي مع قعدة شرحة بطير العقل لتاكلوا وتستمتعوا بكل لقمة.

هل مطعم عندو أشهى المأكولات ومازة لبنانية، بتاكلوا عندو أطيب صحن مشاوي مشكل وشوربة عدس ورقاقات جبنة ورق عنب وغيرها من المقبلات الباردة وكمان بيعملوا مقبلات سخنة وبقدم مينو أكلات نباتية.

ما تنسوا القهوة بعد الأكل الطيب!

الولاد إلن حصتن لأن المطعم كمان في ألعاب وفسحة للولاد ليقضوا وقت حلو.

للحجز، اتصلوا على: 611 332 03

تعرفوا كمان على ديوان الحسون: قطعة من التراث اللبناني بقلب الطبيعة.