محتارين وين تروحوا هل ويك-أند؟ ما إلكن غير هل محل الملّون ببرمانا

نطرنا كتير لتجي الصيفية، وحسينا قبل ما تبلش خلصت وإجا أيلول عغفلة! إذا كنتو مشغولين بهل الصيفية ونسيتوا تستمتعوا بالطقس الحلو والمحلات الحلوة، لقينا المحل المميز لي لازم تزوروا قبل ما يسكر وتخلص الصيفية على الآخر!

أون ذا روكس On the Rocks قاعد بأعالي برمانا، بقلب أجمل مناظر ممكن تتخايلوها.

هيدا المحل بعيد بس ربع ساعة عن بيروت، وبيتضمن كل شي لازم يكون موجود بمشوار الجبل: القعدة الحلوة، البرود، الأكل الطيب المراجيح والشمسيات الملونة.

وهلق صرنا آخر الموسم، يعني بتقعدوا، بتاكلوا وبتتسلوا بلا العجقات.

القعدة تحت الشمسيات الملوّنة بترد الروح وبس تغيب الشمس بيضووا المصابيح. كل شي بهل محل مليان ألوان، حتى المقاعد وألوان الأكل.

وبس تجوعوا، مطبخ On the Rocks بقدم أشهى الأطباق، ترويقة، غدا، عشا!

يلا، استغلوا الطقس الحلو هل ويك-أند وطلعوا صوب برمانا!

إذا بدكن تعرفوا أكتر عن المحل، اتصلوا على: 055 020 70

لتعرفوا أكتر عن منطقة برمانا المميزة، شوفوا كيف فيكن تقضوا نهار كامل ببرمانا.