جلسة ورد بيحشوش: مطعم على كتف الجبل و جنة على مد النظر

بحال كنا رايحين هايكينغ أو سباحة أو بس لنهرب من الشغل والعجقة، كلنا منقصد يحشوش بجبل لبنان لغناها بشجر الصنوبر والخروب وشلالاتها الباردة و الصافية، هي قطعة من لبنان وكل زواياها محاوطة بجمال الطبيعة والجو الحلو. لقينلكن جلسة ورد، مطعم بيحشوش مع منظر بياخدكن على عالم تاني. كفوا معنا لتعرفوا اكتر.

هالمطعم مغمور بالشجر و بخليكن تحسوا انكن معلقين بمطرح بعيد و مخبايين فيه عن العالم. قعدة صخر وورود مع منظر للجبل والوادي بيطلع عبالكن تسرحوا فيه ساعات وساعات. صدقونا انها إطلالة خرافية للصور!

الجنينة كتير مهضومة بين الشجر والخشب و مكان مثالي للضهرة مع العيلة والولاد. فيكن تشربوا فنجان قهوة هونيك على الرواق مع الهوا والوادي أو تفتحوا سفرة أكل لبناني مع العيلة كتير طيب مع مازة بتطير العقل.

بحال حبيتوا المشوار فيكن تتواصلوا معن على الرقم ٠٣٢٧٣٠١٤

محتارين وين تروحوا هل ويك-أند؟ ما إلكن غير هل محل الملون ببرمانا.