أوتيل ليالي الشمس: شوفوا بيوت خشبية ساحرة بعنجر الأثرية

ما بين القلعة والمناظر البقاعية الرائعة، بتلاقو بلدة عنجر العتيقة. عنجر هي قطعة تراثية من تاريخ لبنان ومحطة أساسية لما تزوروا البقاع. كرمال هيك لقينالكن أوتيل ليالي الشمس مميز بعنجر مع بيوت خشبية بتطير العقل ونشاطات مختلفة لتستمتعوا بوقتكن على المزبوط.

البيوت الخشبية بليالي الشمس كتير ساحرة ومميزة، مع منظر محضون بالشجر والبساتين بعنجر، مكان مخبى بتحسوا حالكن فيه بعاد عن العالم خصوصي أوقات الصبحيات مع فنجان قهوة أو كباية شاي. بالشتا المنطقة بتكون مغطاية بالتلج وبصير المنظر على أجمل كمان وبالخريف بتكون الجنينة مغمورة بوراق الشجر الصفرا والألوان الدافية.

أول ما تفوتوا على بيوت الخشب بيخطر عبالكن تقعدوا وتريحوا عن حالكن, حتلاقوا الموديل كتير حلو من تفاصيل وقطع خشبية وزوايا حمرا لتضفي جو من الرواق و الحياة. بتلاقوا كل شي من خصوصية وجنينة برا بمنظر جذاب، لتخوتة مريحة ومطبخ وقعدة. بقدملكن الأوتيل ترويقة مهضومة لتحضروا حالكن ليوم حلو تستكشفوا فيه عنجر أو بالأوتيل بأنشطة مختلفة.

بتلاقوا بالأوتيل صالة للمناسبات و مسبح كبير لتنبسطوا بالشمس وتاخدو لون. وكمان عندن قعدة قبب جديدة إذا حابين تجربوها.

بحال حبيتوا الجو وحابين تعرفوا اكتر، تواصلوا على الأرقام: ٨٠٦٢٢٦٠٠ | ٧٦٦٢٢٦٠٠