مشوار على ضيعة بينو بعكار: ١٤ شغلة تعملوها بهالمنطقة

تعتبر ضيعة بينو من أهم المعالم الأثرية والسياحية بالشمال وبتتمتع بمناخ معتدل وبأجمل المناظر: بيوت قرميد وحجر، شجر زيتون، صنوبر، سنديان وخروب، وهوا شمالي. بينو مشهورة ببيوتها الأثرية لي ٠بتتخطا أعمارها ال-١٢٠ سنة وبقرميدها الأحمر الساحر وبالمحمية لي بتحوي غابة فوق الجبل وبحيرة وملجأ للطيور والنباتات لي مهددة بالإنقراض.

حابين اليوم نطلع صوب عكار لنكتشف بينو، هل ضيعة المخباية ولي تعتبر كنز من كنوز عكار، من بعد ما عملنا مشوار على بشري الأرز، مشوارنا اليوم على ضيعة القرميد الأحمر “بينو” لنتعرف على هل ضيعة الحلوة.

١. بلشوا نهاركن بأطيب منقوشة من فرن الضيعة

٢. كفو مشواركم بزيارة على كنيسة القديسة بربارة الأثرية المبنية على أنقاض معبد وثني

٣. تفرجوا على البيوت التراثية المهجورة

٤. تمشوا بشوارع الضيعة الضيقة

٥. تمشوا بمحمية بينو الطبيعية وتفرجوا على عظمة الخالق

٦. تفرجوا على القصور العتيقة المكللة بالقرميد الأحمر

٧. تمشوا بساحة الضيعة واشتروا أطيب مونة جبلية واكتشفوا السوق العتيق

٨. كلوا أطيب لقمة بيتوتية عند مطعم النوفلية

الرقم: 878 331 03

٩. زوروا جنينات الورود والياسمين وخدوا صور حلوة

١٠. تفرجوا على شجر السنديان المعمرة لي عمرها فوق ال400 سنة

١١. دوقوا كبة بينو التقليدية لي معروفة بالجرماش

١٢. كلوا بوظة وتمشوا بالضيعة

١٣. تمشوا جنب بحيرة بينو الساحرة وعيشوا لحظات رومانسية خاصةً وقت غياب الشمس

١٤. دوقوا أكلة بينو التقليدية: اللحم بالخل (لحم بقر مطبوخ مع بصل، حمص وسفرجل، مقدم مع كبة)