كوخ خشب زغير بيعمل أطيب فلافل عالصاج بلبنان

ما في شي أطيب من ساندويش الفلافل! اللفت، المرقوق، والطرطور…ولا أطيب! بس شو معقول يكون الشي يلي أطيب من ساندويش الفلافل؟

لكل يلي بحبوا ساندويش الفلافل وبلاقوها عزيزة على قلبهن، لازم تجربوا الساندويش الغير شكل عند فلافل سعد يلي معمولة بشي كتير طيب: خبز المرقوق!

رح يصير أطيب مطعم فلافل عرفتوا بحياتكن! إذا بعد ما أكلتوا عندو، بعد ما دقتوا شي! سناك فلافل سعد عبارة عن كوخ خشب بيعمل أطيب ساندويشات فلافل ومناقيش. بيعمل ساندويشات فلالفل بياخذوا العقل معمولين من خبز مرقوق طازا وأشهى تتبيلة.

ساندويش الفلافل عند فلافل سعد بتاخد العقل محشية بقدونس ونعنع ولفت وكبيس وبندورة وفليفلة وشقف الفلافل لي بتقرمش بتمكن ولي مغطسة بالطرطور وخلطة سرية.

حتى قعدة المحل مهضومة كتير ومكنكة!

هالمحل كمان بيعمل مناقيش على الصاج وأطيب ترويقة على الريق لعشاق المرقوق وبيعمل منقوشة شوكولا وأطيب مشطاح جبنة.

شوفوا النكهة المميزة بمزيج التوابل السرية لتتمتعوا بكل لقمة.

ولا أطيب من هيك!

العنوان: عين عنوب، مفرق شملان، عاليه

الرقم: 063 479 70

شوفوا كمان، كباب و زعفران بعين المريسة: مشوا على أكل فارسي بمطعم برجين كاب.