ميلوا عالشاورما: ٧ مطاعم شاورما بالجنوب بتطير العقل

بشرفكن مين فينا ما بحب الشاورما؟ لو شو ما كانت شاورما لحمة أو دجاج، الكل مغروم فيها. بحال طالعين صوب الجنوب وخاطر عبالكن شاورما على الأصول و سندويشة مرتبة على الآخر، لقينالكن ٧ مطاعم شاورما بالجنوب بتاخدكن على عالم تاني. كفوا معنا لتعرفوا تفاصيل أكتر.

١- مطعم الجواد – صور

مطعم الجواد بقدملكن مختلف الأكلات الطيبة بصور، بس الشاورما من عندو بالذات من عالم تاني. السندويشة محشية لآخر كدشة بقطع الشاورما والمنظر بشهي!

الرقم: ٠٧٣٤٥٧٦٦ | ٠٧٣٤٩٦٢٢ | ٠٧٣٤٩٧٦٦ | ٠٣٢٦٦٦١٣

٢- مطعم الأسطورة – النبطية

ساندويش الشاورما عند الأسطورة خطيرة، معمولة على الأصول مع خلطة المطعم الخاصة وملفوفة بخبز التورتيلا. رح تطلبوا شي ٤-٥ مع بعضن!

الرقم: ٧١١٤٥١١١ | ٠٣٧٦٤٣٥٧ | ٠٧٧٦١٩٠١

٣- شاورما غسان – صيدا

فيكن اتدلعوا نفسكن بأفخم شاورما دجاج من عند غسان ، سندويشة ملفوفة بالخبز العربي ومغمورة لحد راسها بالثوم.

الرقم: ٠٧٧٥٣٢٥٩

٤- شاورما البابا – صيدا

بتلاقوا شاورما دجاج كتير طيبة بالخبز المرقوق من عند شاورما البابا. بتلاقوا عندو كمان شاورما مكسيكية وحتى صينية! مكان كتير مميز بالطعمة وما بيتفوت أبدا بصيدا.

الرقم: ٧٠٧٥٤٠٧٠ | ٧٠٧٣٠٠١٠

٥- سناك النعماني أبو بهيج – صيدا

ياما على التوم! أبو بهيج كتير مشهور بصيدا بالشاورما يلي بتشهي، وسندويشاتو مدلعة ومغنجة على الآخر بالتوم.

الرقم: ٠٧٧٢٩٨٥٧

٦- فلافل سمحات – صور

سمحات بغنى عن التعريف بصور. مش بس الفلافل عندو غير أي شي ح تذوقوا، كمان الشاورما فخمة ومعمولة على المزبوط. حتكيفوا بكل كدشة ورا التانية.

الرقم: ٧١٥٦٦٤٨٨

٧- شاورما شوقي – صيدا

حتلاقوا سندويشة الشاورما من عند شوقي مخيفة شو طيبة والخبزة شو مقرقشة. صدقونا انو وحدة ما حتكفي!

الرقم: ٧١٥٠٢٤٤٥