دليلكن لأطيب منقوشة بالضيعة: ٦ مطاعم وأفران لازم تجربوها
مين ما بيستلحي مشوار على الضيعة بهيك طقس مع أطيب منقوشة على الحطب وكاسة عيران وبونجوس هرم مع منظر بطير العقل، مشوا معنا بهل جولة على مطاعم وأفران لنشوف وين منلاقي أطيب منقوشة.
رح نبلش مشوارنا صوب فالوغا، شوفوا فرن خير وبركة لي بيعمل مناقيش صاج ولا أطيب. عندن منقوشة كتير طيبة حابين نخبركن عنا، منقوشة كوكتيل الكفتا عطريقة فرن خير وبركة: هل منقوشة فيها كفتا، مايونيز، بندورة وكبيس وخلطة سحرية وكل أصناف المناقيش لي بحبها قلبكن. على فكرة العجينة هل فرن كتير طيبة، رقيقة وطرية وفيها قرشة زغيرة. المناقيش الزعتر والجبنة روعة كمان وبيجوا بكل الأشكال والألوان. على فكرة فالوغا ضيعة حلوة كتير وقريبة من بيروت، يعني بدا تقريباً ربع ساعة من دون عجقة: ما في أحلى من البساطة وهيك مشوار بالسيارة مع لقمة منقوشة وحب.
الرقم: 505 548 70
أكيد بتستاهلوا هوايات حراجل الحلوين. وبما إنو وصل الخريف، صار وقت تلذذوا بالمناقيش الطيبة وسط قعدة ساحرة وبين الخضار ومقاعد الخشب. موقعو الرائع على الجبل، الأكل بسيط، عبارة عن جبنة و لبنة وزعتر ومناقيش وبيض وحمص وهوي مشهور كمان بالبطاطا المشوية وعندن مشطاح صخن ولا أطيب من هيك مع فنجان شاي عم يغلي الصبح.
الرقم: 883 285 03
طلعوا على دير الأحمر، وهونيك بتلاقوا فوق الغيم المشهور بلقمتو الطيبة بكل الضيعة. هل محل تراثي مية بالمية رح ياخدكن على الضيعة وسطوح بيت التيتا والجدو. المنقوشة محضرة من عجينة نافخة متل ما لازم ولا أروع، مرتاحة ومعمولة بحب وغرام، طرية وبدوب بالتم. بتقعدوا تحت الخيمة لتاكلوا منقوشة من ديّات نسوان الضيعة مع أجمل منظر عبكرا.
الرقم: 999 477 70
رح يصير أهضم محل عرفتوا بحياتكن! إذا بعد ما أكلتوا عندو، بعد ما دقتوا شي! محل فلافل سعد عبارة عن كوخ خشب مش بس بيعمل أطيب ساندويشات فلافل بيعمل كمان مناقيش. بيخبز مناقيش بياخذوا العقل معمولين من خبز مرقوق طازا وأشهى تتبيلة. هالمحل بيعمل مناقيش على الصاج وأطيب ترويقة على الريق لعشاق المرقوق وبيعمل منقوشة شوكولا وأطيب مشطاح جبنة.
العنوان: عين عنوب، مفرق شملان، عاليه
الرقم: 063 479 70
معقول نطلع على زحلة وما نمرق عند هل فرن المهضوم؟ رمز بمنطقة زحلة، اطلعوا على زحلة، وهونيك بتلاقوا فرن أبو الياس المشهور بلقمتو الطيبة بكل لبنان. هل محل عم يعجن ويخبز ويعمل أطيب مناقيش معقول تاكلوها. غير إنو مناقيشو بشهو، كمان عندو أطيب قربان.
الرقم: 821 308 76
فرن مكنكن بيعمل مناقيش تنور. الإحساس لي رح يرافقن بهل محل كتير حلو خاصةً بس تشموا ريحة التنور حد الحطبة والنار. تنور الحلاني بقدم أطيب المعجنات والمناقيش. إشتهر بعجينتو الطيبة ومناقيشه المبدعة. لازم كل مشوار عبعلبك يبلش بلقمة من عند تنور الحلاني، وإذا كنتوا ساكنين هونيك، فيكن تميلوا كل يوم الصبح.
الرقم: 471 333 71
شوفوا كمان، دليلكن لأطيب بيتزا بالضيعة: ٦ مطاعم لازم تجربوها.
