بيت الكابتن بزغرين: مطعم محضون بالشجر مع كدشة لبنانية طيبة

مشوار اليوم حياخدنا على ضيعة زغرين بالمتن، و هي جوهرة و قطعة من تراث لبنان و جنة خضرا على الأرض. تحديداً ح نروح نجرب لقمة طيبة عند بيت الكابتن، مطعم فتح جديد و بقدملكن غدا طيب بين الشجر. كفوا معنا لتعرفوا تفاصيل اكتر.

موقع المطعم كتير مميز، محضون بين الشجر الشامخة و الطبيعة يلي بتاخد العقل، بيطلع عبالكن تقضوا النهار كلو هونيك. بتحسوا حالكن فاتحين سفرة طيبة بنص الغابة و كيف ما اتطلعتوا حولكن بتلاقوا خضار وجمال لبنان الساحر. المطعم بيطل على مشهد بمد على بعد النظر من الشجر والجبال البعيدة ، فيكن تسرحوا فيهن اد ما بدكن.

بالليل الأضواء الساحرة والأجواء بين الشجر ح تخطف قلوبكن، كنكنات وجلسات تحت النجوم ما بتنتسى!

بعد في أحلى من غدا بين الشجر؟ جلسة كلاسيكية و بيتوتية بالهوا النقي، شي برد الروح و بيفتح النفس.

المطعم بقدم أكل لبناني تراثي ومعمول على الأصول، الأطباق عندو كتير طيبة وخصوصي المازة الباردة والسخنة مع السلطات المشكلة والملونة عاللبناني. كدشة ورا كدشة مش ح تلحقوا!

بحال حبيتو المشوار، فيكن تتصلوا بالمطعم على الرقم: ٠٣٨١١٨٦٧

شوفوا معنا كمان: مشوا على أطيب ١٧ مطعم بالجنوب مع مناظر بتاخد العقل