مين ما بحب الخريف؟ شوفوا هل رحلة من العمر على إهدن هل ويك-أند

شو عاملين هل ويك-أند؟ مشوا معنا على ضيعة إهدن هل أحد. هيدا المشروع لكل شخص عبالو يغير جو، ويتمتع بجمال الطبيعة وألوان الخريف.

وين في أحلى من إهدن نمضي فيها نهار من العمر مليان نشاطات سياحية وثقافية. وأكيد ما بيخلا الأمر من الجو الحلو والمفاجآت.

المحطة الأولى رح تكون ب ضيعة بدر حسون البيئية بالكورة لاكتشاف طبيعتها الحلوة. من بعدها رح تكفوا صوب إهدن وببلش المشوار مع زيارة كنيسة مار ماما الأثرية لي بقولوا عنا أقدم كنيسة مارونية بلبنان ومن بعدها رح تزوروا ضريح يوسف بيك كرم البطل اللبناني المحارب ورح ترجعوا تشوفوا كنيسة سيدة الحصن لي بتطل على الشمال كلو. رح يكون في استراحة أكل زغيرة مع كعك وقهوة وبوظة، على جمال مشهد طبيعي روعة بضيعة إهدن. إذا عبالكن تاكلوا شي مميز، فيكن تنزلوا على ساحة الميدان ولتتمشوا وتاكلوا شي على السريع قبل ما تكفوا النهار.

بعد الضهر، رح يكون في كزدورة حلوة بالضيعة رح تكتشفوا قصصها وحكاياتها، ومن بعدها رح تروحوا تمشاية بمحمية إهدن ورح يكون في محطة لمشاهدة غروب الشمس وجلسة نار بزاوية “الجوزة الوحيدة” المكنكنة بالضيعة.

رح تختموا نهاركن بتحلاية غير شكل وتمشاية على ساحة الميدان.

رح يكون نهار حافل مليان مفاجآت!

إذا عبالكن تقضوا وقت حلو مع عيلتكن أو مع أصحابكن بمنطقة جبلية كتير حلوة، مننصحكن تستفيدوا من الطقس الدافي نوعاً ما هالويك-أند قبل يغير الجو وتروحوا على إهدن وتشاركو بهل رحلة لي أكتر من راوعة.

وما تنسوا تحطوا جاكيت عليكن!

هل مشوار الحلو رح يصير نهار الأحد، التجمع رح يكون بزوق مكايل من الساعة 07:30 الصبح بساحة البيت الحرفي. أما الكلفة فهي 20$ على الشخص.

اتصلوا على 708 275 70 للحصول على المزيد من المعلومات وللحجز لأن الأماكن محدودة.

هل مشروع من تنظيم فريق Ke Mus.

شوفوا كمان، هيدا المحل بالبترون عامل بوفيه غير شكل هل ويك-أند.