١٠ أغاني لبنانية وعربية بفقعوا ضحك

اكتشفنا إنو في كتير أغاني لبنانية وعربية مهضومين وبضحكوا ولاحظنا إنو في كتير أغاني كلماتها مثيرة للجدل. في قسم من هالأغاني مهضومين كتير وفاتو على قلبنا وكانو قيمة فنية مضافة بحد ذاتن وقسم تاني حسيناهن مش قد المستوى.

١. آه من حوا، هاني العمري

“معتر آدم ومسكين جهنم رايحلها سباحة بعدو من بدأ التكوين بياكل بهل تفاحة”

صراحة لقينا الغنية مهضومة وبضحك وصوت هاني العمري جبلي حلو.

٢. يلعن أبو السياسة، محمد اسكندر

“يلعن أبو السياسة على أبو الكراسي يلعن أبو أبوها ويلعن أبو أبوها، لبناني وبدي عيش بكرامة بدي عيش… عيش عيش يا عيش دايب موت الحشيش”

غنية بتفقع ضحك وكلماتها بيطابقوا مع كل زمان ومكان.

٣. حبيي وأنا مالي، جاد نخلة

“حبيبي وأنا مالي لوفي لعيون بصالي بيعكسوني ويشغلوني وأنا بداري وبداري عيوني ومش سايبني بحالي”

صراحة أضحك شي بهل غنية ردة الكورال، كتير مهضومة وهيك الغنية بتعلق بالراس بس لتعرفوا عن شو قصدنا لازم تسمعوا الغنية وأكيد صوت جاد نخلة الحلو لي شتقنالو.

٣. كسرتلي السيارة، جاد شويري

” كسرتلي السيارة حرقتني بالسيغارة بدها تنئ وبدها تلئ وبهدلتني بكل الحارة”

كلنا منتذكر هل غنية لي كسرت الدني بوقتها وصار في كتير انتقادات عليها، بس بنفس الوقت الناس صارت تسمعها هيك حشرية وضربت.

٤. كلن شافوك، هاني العمري

“لا رحت ولا جيت، لا شفت ولا حكيت، ما كلن شافوك، كلن عرفوك أبداً ولا مرا حاكيتك ولا حدي مرة مشيتك”

كلنا منذكر هل غنية والفيديو الكليب يلي كتير ضحكنا وأكتر شي حبو الولاد لأن بين الواقع والرسوم المتحركة وحتى في لعب بالأصوات عطى روح حلوة للغنية.

٥. إلعب يلا، أوكا وأورتيجا

” قاعد لوحدك كده سرحان، الشيطان يوزك في سكة شمال، يفضل يقولك العب يلا “

مين ما كان يضحك بس يسمع هل غنية، وخاصةً بس تسمعوا الحركات الصوتية.

٦. حلوة وبدها الستيرة، فريق جبد

“رحت اتقدمتلها اتاري بدها فلة بدها لحمة وكباب ما بتاكل مرتديلا والله وعلي الجيرة حلوة وبدها الستيرة”

أثارت هل غنية موجة من الإنتقادات أول ما طلعت لأن كتار اعتبروها مش قد المستوى، بس ما فينا ننكر قدي كانت تنحط بالمحلات والمطاعم والبحور.

٧. أصابيع رجليكي، فراس الحمزاوي

” يلي مدوبني وحدن أصابيع رجليكي”

يعني هل غنية الكلمات لحالها بتعبر عن المضمون.

٨. فارة فارة، الهام مالك

“أنا مغروم وميت فيكي، شو جانن حتى حاكيكي، ردي please الله يخليكي… Wow wow إنك شو حلوة… لك ياي ياي شو بحبك يا فارة”

بهل غنية الفنان الهام مالك بيصوف حبيبتو بالفارة، فعلاً الكلمات بفقعوا ضحك.

٩. نوسو نوسو بابا، روزي

“نوسو نوسو بابا انت يا أحلى بابا، وديني المرجيحة و الا السيما يا بابا”

مين ما بيتذكر هل غنية؟ عملت ضجة بوقتها وأثارت انتقادات كتار بس الولاد استهضموها.

١٠. لطيزي لترجعي، فراس الحمزاوي

“ما بدي ياكي معي، يلا من راسي طلعي ما عاد رح فكر فيكي لطيزي لترجعي”

شو رأيكن بهل غنية؟

شوفوا كمان: بتذكروا الفنان إيوان لي اختفى عن الساحة الفنية؟ تعوا نتذكر أجمل أغاني ونشوف وين صار.