تعرفوا معنا على ٦ أماكن مهجورة حول لبنان

كتار منا بحبوا المغامرة وعندن روح الإستكشاف. كيف إذا كانت المغامرة على أماكن مهجورة، ناسيها التاريخ وبتوقف شعر البدن؟ مشوا معنا نشوف ٦ أماكن مهجورة حول لبنان.

١- ضيعة بجرين المهجورة

ضيعة مهجورة بجبيل، بسموها ضيعة الأشباح لأن هجروها سكانها من أكتر من مية سنة بسبب المجاعة. فيها بيوت مهجورة وقاشطة وبيرغميق ووادي وبقايا بيوت مهجورين. لتعرفوا عن قصة ضيعة بجرين، أكبسوا على الرابط هون.

٢- قصر تقي الدين الصلح – القنطاري

قصر مهجور وقطعة تاريخية لمحبي الاستكشاف والمغامرة، من أملاك رئيس الوزراء السابق تقي الدين الصلح. إذا إنتو قد المغامرة، زوروا هل المكان واسترجعوا التاريخ الغني.

٣- فندق العامرية – بكفيا

فندق من الستينات مهجور من وقت الحرب الأهلية. كان معروف بالسينما والمسرح وحتى بقولوا إنو أم كلثوم غنت فيه. حالياً يعتبر الفندق متل اللغز وكتير مثير للجدل.

٤- قصر بشارة الخوري

هيدا القصر حالياً بزقاق البلاط وبحالة خراب، لكن كان يعتبر من القصور الفخمة اللي تم بناؤها أواخر القرن التاسع عشر.

٥- معبد اليهود ببحمدون

وكمان يعرف بأنه “المعبد الأخير” عند اليهود اللبنانية، انبنى بمطلع القرن العشرين للعبادة وهوي واحد من أربع معابد لليهود بلبنان كله. رغم إنه مهجور وفيه خراب، لكن جماله بعده موجود وشاهد على الحاضر.

٦- محطة عين صوفر

منطقة صوفر فيها كتير قطع من التاريخ ووحدة منها محطة القطار من الستينات. ولأنه كان وقتها أوتيل صوفر مشهور بإستقبال الأسماء الكبيرة بالفن والسياسة، كانت المحطة أساس لإستقطاب الناس لكن حالياً المحطة والأوتيل مهجورين وما بيدعس فيهن حدا.

شوفوا كمان، ٦ محلات مهجورة لازم تزوروها بلبنان وقصة كل وحدة