٦ نشاطات مهضومة للولاد والعيلة ببيروت

كلنا منعرف إنو العيلة أساس ووقتنا مع عيلنا ما منبدله ولو بكنوز الدنيا. وكرمال تقضوا وقت حلو و تحفظوا الذكريات ، جبنالكن ٦ نشاطات مهضومة للولاد بالعاصمة بيروت. كفوا معنا لنعرفكن على تفاصيل أكتر.

١- رياضة التزلج – Roller Skating

بتلاقوا بالسنترو مول بالجناح حلبة للتزلج رح تخلي ولادكن ملتهيين ساعات وساعات، خاصة إذا عبالكن تتسوقوا. كمان بتلاقوا أماكن مختلفة بالمول لما يضربكن الجوع و عبالكن غدا عائلي.

٢- نشاطات الرسم

بتلاقوا عند Art Enciel نشاطات للرسم والتلوين كتير ممتعة وبتحفز قدرات ولادكن الإبداعية، بيتعلموا هني وعم يلعبوا وبيتعرفوا على أصحاب جداد كمان.

٣- رياضة البولينغ – Bowling

عبالكن جولة بولينغ عائلية لتستمتعوا بوقت حماسي على الآخر؟ بتلاقوا كذا مطرح ببيروت متل اللي موجودين بالليست بالرابط هون.

٤- لعبة غرف الهروب – Escape Rooms

بتلاقوا كتير من غرف الهروب المخيفة ببيروت، الحلو انو بتحمس ولادكن على مهارات التحليل وحل ألغاز والأحجيات ليلاقوا طريقة يهربوا فيها من هالغرف، لعبة حماسية و كلها ضحك بالأخص إذا معكن أو مع رفقاتن. كمان بتلاقوا كذا غرفة هروب بهل الليست هون.

٥- جولة بمتاحف بيروت

مشوار عائلي مهضوم وبيتعلموا فيه كتير عن ثقافتن وتراثن، خاصة انو العاصمة فيها متاحف روعة! وإذا عبالكن شي مميز وتجربة مختلفة عن العادة فيكن تزوروا معرض ألو، بيروت؟ لرجعة تاريخية للعاصمة وحتى الدخول مجاني، بس جهزوا حالكن للأسئلة الحشرية. بتلاقوا تفاصيل اكتر عن المعرض بالرابط هون.

٦- حرش بيروت

واحد من المساحات الخضرا القليلة والحلوة بالمدينة، فيهن يعملوا فيه نشاطات مختلفة متل Roller Skating، وألواح التزلج، والنزهات والوقت الحلو بالطبيعة، يعني إلا ما تلاقوا شي تتسلوا فيه.

شوفوا كمان، ٨ مطاعم روعة للولاد بلبنان، مع نشاطات وألعاب