شوفوا ٨ من أجمل الأوتيلات بالجنوب

كلنا منحتاج عطلة بين الفترة والتانية، كرمال هيك اطلعنا على الجنوب وجبنالكن ٨ من أجمل الأوتيلات بالمنطقة. كفوا معنا لتعرفوا تفاصيل اكتر.

١- ĒL Boutique Hotel – صور

أوتيل أصيل من الحجر الصخر، بيطل على واجهة رائعة للبحر. بتلاقوا فيه موديل مرتب، مطعم مع إطلالة روعة لغروب الشمس، وقعدة جنينة مهضومة. لمعلومات أكتر أو للحجز، زوروا الموقع هون.

الرقم: ٠٧٧٤٠٩٦٠

٢- منتجع فرداسيا – دير الزهراني/ النبطية

بتلاقوا منتجع فرداسيا على كتف الوادي وعنده إطلالة للشجر والوديان. فيه مطعم لتاكلوا لقمة طيبة ومسبح كبير لتستجموا تحت الشمس. بيحتوي على كذا غرفة، منها اللي فيها جاكوزي، ومنها اللي بتتميز بإطلالة على الطبيعة مع موديل مرتب وراقي. لمعلومات أكتر، شوفوا الرابط هون.

الرقم : ٧١٩٨٠٩٠٤

٣- Blue Jay Valley – جزين

من أجمل الأوتيلات بلبنان، بيطل على الخضار والطبيعة الساحرة بجزين مع خدمات مختلفة ومميزة. بتلاقوا كذا نوع من الغرف منها بيوت حجر وصخر، ومنها بيوت الخشب، وحتى الخيم. كمان فيه مطعم ومسبح بجننوا. لمعلومات اكتر أو للحجز، اكبسوا على الرابط هون.

الرقم: ٧٨٨٨٠٠٨٨ | ٠٧٨١١١١٢

٤- دار ألما – صور

من أروع الأوتيلات بمدينة صور،غرف مميزة مع موديل مودرن وقديم بياخد العقل، نقشات وحيطان صخر والأروع من هيك انه عندكن إطلالتكن الخاصة على بحر صور. لتعرفوا معلومات اكتر أو للحجز، اكبسوا على الرابط هون.

الرقم: ٠٧٧٤٠٠٨٢

٥- Glamping – مغدوشة/ صيدا

تجربة مميزة بالطبيعة، خاصة اللي بحبوا التخييم. عندن خدمات خاصة للشتوية متل الجاكوزي الداخلي مع التدفئة وفوق هيك إطلالة مفتوحة على الطبيعة. لمعلومات أكتر أو للحجز، زوروا الموقع هون.

الرقم: ٧٠١٥٧٧٠٧

٦- دار كاميليا – صور

أوتيل قديم بطابع شرقي وتراثي مرتب على الآخر. كل غرفة عندها حكاية وموديل مميز من الديكور المغربي أو اللبناني أو غيره. التفاصيل أوالحجوزات بتلاقوها بالرابط هون.

الرقم: ٠٧٣٤٦٠٨٢ | ٨١٧٧١٥٠٠

٧- الياسمين – الناقورة/ صور

أوتيل كتير حلو صوب الناقورة، بتلاقوا بالياسمين بيوت ملونة وموردة مع مسبح وخضار ومساحات كتير حلوة للجو العائلي. قعدة مهضومة جنب البط والمي مع نشاطات مختلفة. لتعرفوا تفاصيل اكتر أو للحجز، زوروا الموقع هون.

الرقم: ٠٣٣٧٢٨٨٨

٨- Etoile du Loup – جزين

بتحسوا بهيدا الأوتيل كأنه إنتو على شي جزيرة إستوائية، محضون بالشجر والقش وبعيد عن العالم. بتلاقوا مسبح وإطلالة حلوة وبيوت خشبية كتير مكنكنة ومهضومة. للحجز أو للمعلومات، زوروا الموقع هون.

الرقم: ٠٧٧٨١٤٢٥ | ٠٣٤٢٥٥٢٥

شوفوا كمان، مشوا على أطيب ١٧ مطعم بالجنوب مع مناظر بتاخد العقل .