٧ شغلات غريبة كلنا منعملها لما ننعجب بحدا

شي مرة علقانين بشباك الحب؟ منصير نتلبك على أسخف الأشيا ونعمل حركات بتخلي حتى رفقاتنا يتطلعوا فينا بالمقلوب. بحال إنتو عشتوا أوعم بتعيشوا هالحالة، جبنالكن كم شغلة بتضحك كلنا منعملها لما ننعجب بحدن.

١- منصير المحقق كونان على السوشيال ميديا

بدنا نعرف قرعة بيو من وين، كيف بتدلعوا عمته، إذا بحب الملوخية أو لا، كيف كان شكله هو وزغير…بتشقلبوا السوشيال ميديا على فيسبوك إمه وبتتعرفوا على العيلة كلها.

٢- منراقبن إذا طلعوا أونلاين، شافوا المسج أو لا

انتبهوا إنتو وعم تقروا التشات القديم وعم تضحكوا مع حالكن تدقوا مكالمة فيديو بالغلط وتنفضحوا على الآخر.

٣- منحلل كل تحركاتن وتصرفاتن

إنتو والشلة قاعدين عم بتحللوا شو قصدن لما بعتوا وجه عم يضحك على النكتة اللي بعتوها من ساعة، وليه بعتوا وجه واحد مش تنين، وشو معنى إنو مرة انتو وقاعدين بالكافيه اطلعوا فيكن لثواني واضحكو.

٤- فجأة منصير نزّل صور ونعجقها

وأكيد أخدتوا ١٠٠ صورة ومحيتو ٩٩ لأنو منخاركن مش زابط.

ه- منعجقها على الأغاني الرومانسية

وخدوها على سيناريوهات براسكن بحياتها ما بتصير، إنتو وياهن هيك بالمالديف مسطحين على الرمل، أوعم تاكلوا بيتزا بإيطاليا، أوعم تسموا ولادكن الأربعة.

٦- منصير نروح على نفس المطارح (بالغلط)

يعني طول عمركن ما بتحبوا الStarbucks، هلق لزقتوا هونيك صبح وضهر وعشية ليه؟ فجأة صرتوا تحبوا تقعدوا بالمكتبة وإنتو بحياتكن مش قاريين كتاب.

٧- بتشوفوا أبراجن الصبح

إي بدكن تعرفوا إذا برج الأسد وبرج القوس بيتفقوا، وشو المشاكل العاطفية اللي ممكن يواجهوها، وخبريات اليوم منيح للحب أو بكرا أو اللي بعده.

حابين تضحكوا؟ شوفوا ١٩ شغلة بتسمعها من عيلتك بس تكون أعزب