هيدا المحل بضبيه عامل بوفيه غير شكل هل ويك-أند

كلنا منحب نعجقها على حالنا نهار الأحد وناكل أكل طيب ونجتمع على الطاولة مع العيلة والولاد والناس لي أكتر شي منحبهن.

لهيك رح نخبركن عن Club La Marina كلوب لا مارينا بضبيه لي عم بقدم من ديّات Carma Catering كل أحد بوفيه خيالي في كل أكلاتنا المفضلة! صراحة كل شي بيخطر على بالكن موجود من المازة اللبنانية لأشهر وأطيب السلطات العالمية وأطباق الفاهيتا والدجاج والباستا والسوشي والحلو لي ما بيخلص.

قعدته غير شكل وما بتكمل غير مع سفرة طويلة عريضة من أطيب الأكل اللبناني على أصولو متل الورق عنب، الحمص المعمول بشغف، الشاورما لي بينعمل قدامكن مع تتبيلة توم روعة وعلى صحونكن دغري، مناقيش الصاج لي بتتحضر قبالكن، وأكيد المشاوي والسمك الطازة.

يعني بتاكلوا قد ما بدكن وما بتستحوا تعبوا صحونكن مرة وتنين وتلاتة.

مش بس الأكل رح ياخدلكن عقلكن، الحلو هون غير شكل، رح تنبهروا بالكميات الكبيرة والكريمة: غاتويات على طعمات كتيرة، فواكي وحلو وكل شي بيتمنا قلبكن موجود.

هل محل مناسب لضهرة مهضومة مع العيلة والولاد لأن رح يكون في قصص وألعاب ونشاطات بس للولاد، يعني رح يكيفوا بهل محل ويبطل بدن يفلوا.

الأسعار هيي على الشكل التالي: 25$ على الكبار و15$ على الزغار وفيكن كمان تدفعوا على الcarte إذا مش حاملين كاش.

إذا حابين تعيشوا هل التجربة المميزة، طلعوا على كلوب لا مارينا بضبيه مع الولاد وخبرونا رأيكن في.

صحتين!

للحجز اتصلوا على: 111 403 03

شوفوا كمان، دليلكن لأطيب شاورما بالضيعة: ٤ مطاعم لازم تجربوها.