٦ محلات لحم بعجين مع قعدة مهضومة لازم تجربوها

مين عبالو لحم بعحين سخنة مع عصرة حامض ورشة حرّ؟ شوفوا معنا هل ٦ محلات يلي بحضروا لحمة بعجين شهية!

١. فرن بعينو، صربا

معروف إنو فرن بعينو بيعمل أطيب لحم بعجين وواصل صيتو على بيروت، لي بعد مش مجربو لازم يدوق الطعمة مع رشة حامض وخلطة سرية وكاسة عيران.

الرقم: 1547

٢. لحماجون

عم تتخايلوا محل ما ببعمل غير لحم بعجين؟ هل محل بيتفنن بتحضير اللحم بعجين وبيعملها على الأصول مع عصرة حامض وصوص حر وفليفلة ليلي بحب الحر. فيكن كمان تطلبوا لحم بعجين بجبنة واختراعات باللحم بعجين ما بتخلص.

الفرع الأول: بيروت

الرقم: 576 135 70

الفرع التاني: المتن

الرقم: 587 135 70

الفرع التالت: كفردبيان

الرقم: 596 135 70

٣. عبد الرحمن الحلاب، طرابلس

معروف الحلاب بالحلويات الشعبية لي بيعملها، بس مش الكل بيعرف إنو عندو لحم بعجين الطرابلسية بتطير العقل مع عصرة دبس الرمان.

الرقم: 445 444 06

٤. فرن اشخانيان، زلقا وبيروت

هل فرن بيعمل مناقيش محضرة على الطريقة الأرمنية.المعروف إنو بيعمل أنواع مختلفة من العجين والمكونات المميزة، رح تحبوا المناقيش عندو.

الرقم: 586 717 04

٥. فرن مرشاق، البترون

هل فرن صرلو من سنة 1868 بيعجن وبيخبز وبقدم مناقيش بتاكلوا صابيعكن واراها. وما فينا نخبركن عن عجينة اللحم العجين قدي رقيقة وطيبة، والتتبيلة بتجنن. غير هيك، القعدة بالبيت الحجر لح تحسسكن بالدفا وبروح البترون السحرية.

الرقم: 050 740 06

٦. فرن الصبايا، عمشيت

فرن الصبايا صرلو فاتح 28 سنة وعم يقدم مخبوزات ومناقيش بتاخد العقل. هل فرن بيشبه البيت، عندو قعدة مهضومة متل قعدة الضيعة بحضروا مناقيش صحيين ومورقة ولحم بعجين من حواضر البيت.

الرقم: 880 112 03

شوفوا كمان، دليلكن لأطيب شاورما بالضيعة: ٤ مطاعم لازم تجربوها.