شوفوا مهرجان الأكل الطيب والنشاطات ترفيهية بصيدا (الدخول مجاني)

من بعد ما خلصت الصيفية وإجا الخريف، حسينا خلص الفرح والبسط والمهرجانات وإجت الزربة بالبيت، بس هل ويك-أند الوضع رح يكون مختلف بالبرامية بصيدا.

ليالي صيدا رح تكون عمراني هل يومين وملياني أكل طيب وألوان وزينة مهضومة وحزروا شو؟ الدخول مجاني للجميع.

شو ناطركن؟ سوق أكل طويل عريض، موسيقى ونشاطات ترفيهية عديدة، أكل وشرب، مسابقات، عروض فنية، رقص وفرح وألعاب ونشاطات للولاد. وين رح يصير؟ بمنطقة برامية بصيدا، نهار الجمعة والسبت من الساعة 4 بعد الضهر للساعة 11 بالليل.

رح تتمشوا البرامية وتتفرجوا على الكيوسكات وتحسوا بفرحة المهرجان وأهم شي دوقوا الأكل الطيب والقصص لي ما بتلاقوها ببيروت والمنتوجات شغل ولاد المنطقة بيعملوها كتير طيبة.

رح يكون في دي جي DJ يعمل جو حلو كتير والولاد حيكون عندن عدة عروض وألعاب ونشاطات مخصصة لإلن وأكيد لح يكيفوا وما بيزهقوا أبداً.

جمعوا حالكن وروحوا على صيدا وقضوا نهاركن بهل منطقة الحلوة، برموا الصبح على المعالم التراثية، تغدوا باستراحة صيدا السياحية Saida Rest House، رجعوا كفوا على المهرجان.

الرقم: 469 722 07

للمزيد من المعلومات عن المهرجان، اتصلوا على 376 839 81.

هل مهرجان من تنظيم سوق البلد بالتعاون مع بلدية البرامية.

شوفوا كمان: مشوارنا اليوم على عاصمة الجنوب.. تعوا نقضي نهار حلو بصيدا.