تعرفوا على بنشعي وبحيرتها، منطقة لازم تزوروها بلبنان

بتحبوا المشي؟ أو تطلعوا بالشخطورة ترجعوا تاكلوا مع منظر طبيعي، خضار ونهر وأصوات العصافير؟

شموا الهوا وروحوا رحلة على منطقة بنشعي، وين رح تلاقو أهضم محل للإستراحة!

مطعم بحيرة بنشعي بقدملكن قعدة بتاخد العقل حول بحيرة محاوطة بأجمل خضار.

هالمطعم قاعد على البحيرة دغري بمنطقة بنشعي بزغرتا وبقدم المازة على الأصول مع مشاوي ومشروبات على أنواعها وأرغيلة.

بيسبح عوج البحيرة بط ووز فيكن تشوفوهن عن قريب إذا أخدتو بيدالو أو شختورة زغيرة.

رح تلاقوا حد البحيرة حديقة للنباتات البرية النادرة والزهور الملونة، ورح تلاقوا بين ممراتها تماثيل صخرية لأنواع الحيوانات والطيور والحيوانات المائية متل النسر وحصان البحر والدب، وكمان في متحف للحيوانات الأليفة والمفترسة، وبقلب البحيرة بتلاقوا بطات ووز وسمك ملون وسمك للزينة.

وهلق واصلت الشتوية، بالميلاد رح تشوفوا البحيرة مزينة بألوان العيد وكل شي حدا علي زينة بشكل رائع وجذاب وبترتفع بالنص شجرة عيد كبيرة بتضيف على المكان جو المناسبة.

غير الأكل الطيب في نشاطات للولاد وفي حديقة حيوانات كتير مهضومة ومساحات وألعاب رح يكيفوا فيها الولاد.

بس تخلصوا أكل وبرمة حول البحيرة فيكن تشربوا فنجان قهوة على صوت المي وتتلذذوا بكل لحظة وفيكن كمان تكتشفوا بنشعي وتشوفوا ساحة الضيعة وتمثال يوسف بيك كرم وتبرموا بالمنطقة مع الولاد.

مشوا على بنشعي!

للحجز، اتصلوا على: 500 550 06

شوفوا كمان، جواهر لازم تكتشفوها بعروسة البحر: البترون!