شوفوا ٦ بيوت ضيافة جبلية ساحرة

ما في أفخم من القعدة الجبلية مع الطقس البرود والإطلالة الروعة. كرمال هيك، جبنالكن ٦ بيوت ضيافة جبلية بتاخد العقل. كفوا معنا لتعرفوا تفاصيل اكتر.

١- Guita – العاقورة

بيت ضيافة من الصخر، قريب على بحيرات العاقورة الحلوة. بجبلكن جو الضيعة والزراعة العضوية. مكان كتير بناسب العيل وجمعات الأصحاب اللي عبالها شي بعيد عن عجقة المدينة مع الجو الجبلي.

الرقم: ٠٣٠٥٠٥٦٧

٢- Villa Joie – فتري، جبيل

بتلاقوا بهالمطرح كذا بيت ضيافة مميزين على اسم الشجر المزروع حولن. الديكور مرتب ومودرن مع لمسات من الطبيعة، بيعطي جو الرواق والراحة النفسية. عندن فيو بياخد العقل على الجبال، وبتلاقوا كل شي بتعوزوا، وحتى مسبح وجنينة خاصة فيكن.

الرقم: ٧٦٠٠٩٩٥٠

٣- فيلا شمعون – حصرون

هالفيلا من الستينات بمنطقة حصرون المعروفة بجمالها الساحر، بتاخدكن على أجواء من الطبيعة الجبلية وبتطل على الأراضي الخضرة وجنينات من الورد والأقحوان والنرجس. بتلاقوا غرف مودرن مع نقشات فنية وألوان مفرفحة، مسبح مهضوم وكل وسايل الراحة لي عم تنبشوا عليها.

الرقم: ٧٠٥٠٨٢٠٥

٤- جبلنا ايكولودج – القبيات

هالبيوت الجبلية موجودة بنص غابة شجر الصنوبر بالقبيات، مكان ساحر ورايق لمحبي الطبيعة والتخييم. أوض النوم مكنكنة والتراس بياخد العقل، مع إطلالة جبلية محضونة بالشجر ومخباية عن العالم.

الرقم: ٠٣٥٤٢٩٣٥

٥- بيت دوما – دوما

بيت دوما محافظ على التراث والتاريخ، وعنده إطلالة على الجبال وشجر الزيتون. بتلاقوا البيت مزين بألوان ونقشات قديمة، مع جو كلاسيكي ورومانسي مميز. ولما تقعدوا برا، فيه جنينة روعة وبساتين من شجر التفاح، بتستأنسوا بترويقة طيبة تحت الشجر وبالهوا الجبلي.

الرقم: ٨١٠٦٤٤٦٠

٦- مرستي – الشوف

مرستي بالشوف عنده بيوت ضيافة من الصخر، غرف متنوعة وجنينة وقعدة تراس مغطاية بالشجر، بتاكلوا أكل طيب وبتحسوا بالكرم اللبناني. بتلاقوا ٤ غرف مهضومة ل٨ أشخاص وقعدات كتير حلوة، مناسبة لجو العيلة!

الرقم: ٠٥٣٣١٠٥٣

شوفوا كمان، ٥ مطاعم جبلية بتاخد العقل