تعرفوا على نون: مطعم لبناني جديد ببيت شباب

ولأنه عودناكن تشوفوا المناطق الحلوة والمطاعم الطيبة والمشاوير المهضومة، طلعنا اليوم على ضيعة بيت شباب وشفنا شو فيها. هالضيعة العتيقة بشوارعها الحلوة ما بتتفوت، قريبة على أجمل المناطق بلبنان ومقصد بحد ذاته لمحبي السياحة الداخلية. وبطريقكن على بيت شباب، ميلوا على مطعم نون، مطعم فاتح جديد وبقدملكن جلسة حلوة وأكل لبناني على أصوله. كفوا معنا لتعرفوا شو مخبيلكن.

هالمطعم اللبناني الجديد بجبلكن الأكل التراثي على طريقته وبوصفاته المميزة، وبيجمعلكن الخبرية بأكل عالمي رح يعجبكن.

عنده جلسة مكنكنة، وأول ما تفوتوا رح تحسوا بالجو الدافي خاصة بهالطقس. بتاكلوا لقمة طيبة مع أصحابكن أو العيلة حد الشيمينيه مع كاس نبيد ما بينتسى.

المانيو عنده مشكل بكل شي بيخطر عبالكن، عنده كمان زاوية بار بتقدملكن المشروبات اللي بتحبوها لتسهروا انتو ومبسوطين مع الأصحاب.

فيكن تتطلبوا عاللبناني أطيب المشاوي من طاووق مع توم، وكفتة عرايس، ولحمة مع خضرا مشوية وحمص، أو تتطلبوا من المانيو العالمية و تجربوا سندويشات الستايك الطرية، أو الأسكالوب المقرمش، أو صحون الفاهيتا مع أشهى الصوص والبهارات.

رح تلاقوا المازة الباردة والسخنة على أنواعها، من حمص وورق عنب ومتبل، للرقاقات الطيبة والسمبوسك والكبة الزغرتاوية ومقانق وحتى راس عصفور مع الكرز. وكمان تذوقوا من مختلف السلطات الطيبة، متل سلطة السيزر مع دجاج وجبنة بارميزان، أو سلطة الكينوا مع الخضرا الطازة، يعني شي عنجد بيفتح النفس وسفرة غير شكل! كل هيدا وأكتر على كاس عرق رح يعجبكن.

بحال حبيتوا، فيكن تتصلوا بالمحل على الرقم: ٧١٧١٧٨٠٨ | ٠٣٢٢٢٦٩٤

شوفوا كمان، ٦ مطاعم بقلب غابات لبنان الساحرة