١٣ شغلة بتصير معنا بس نكون مفلسين

الحياة بلبنان صعبة، بس الحياة بلبنان بس نكون مفلسين بعد أصعب. رح نخبركن عن القصص لي بتصير معنا بس نحس حالنا فلسنا وخاصةً آخر الشهر نحنا وناطرين المعاش.

١. الكل بصير بدو يطلب ديليفيري قدامنا ونحنا عم نتحرقص

لا أنا مش جوعان، إذا شي اطلبوا إنتو

٢. فجأة بتصير المجدرة طيبة

ما رح آكل شي، هلق باكل بالبيت

٣. السهرة بطلت حلوة هلق

صراحة مني قادران إضهر تعبان، روحوا إنتو

٤. فجأة منصير نستحلي القعدة بالبيت

بلا العجقة هلق، خلونا بالبيت

٥. كل الشهر حش أكل وآخر الشهر بتفيقوا على الرجيم

لا ما بدي ديليفيري، عامل رجيم

٦. حتى الطلعة بالسرفيس بتصير عويصة

لشو نطلع بالسرفيس، منتمشى شوي لنضعف

٧. بتحسوا الإيام مش عم تقطع وناطرين أول الشهر مناطرة

٨. بصير أفخم مشوار بتعملوا عند الجيران

٩. ببطل معكن 3G وبصير بدكن تاخدوا Hotspot من الكل وين ما بتروحوا

١٠. بتفضلوا منقوشة الزعتر على ساندويش طاووق

لمرة وحدة بحياتكن

١١. وبس بدنا نتقل، فلافل

١٢. بتلغوا مشاريعكن والطلعات وبتناموا قبل الدجاجات

عايشين حياتكن على البطيء ناطرين يجي أول الشهر

١٣. ضروري كل يوم سهرة، ليش ما منروح عند بعض؟

يلا على كل حال بوكرا أول الشهر، قربت تفرج.

شوفوا كمان، ٩علامات بتدل أنكن صرتوا “التيتا” بين رفقاتكن.