أطيب دجاج مقرمش، من عند دجاج وبس

مين بحب الدجاج الكرسبي؟ هيدا المحل إلكن!

ما فينا نزهق من الدجاج المقلي والمقرمش، لهيك لقينا محل بيعمل دجاج متل KFC وأطيب.

تشيكين وبس أو دجاج وبس محل جديد فتح بمار مخايل ببيروت.

دجاج وبس بيعملوا دجاج كرسبي ومقلي مع كل الفواحش يلي رح تحبوها متل البطاطا المقلية وأكيد كل الصوصات يلي بيتمناها قلبكن.

دجاج بروستد مغمس بصوص بالتوم مع صحن كبيس معرم وبطاطا محمصة من برا وطرية من جوا، شي بياخد العقل.

وما تنسوا تجربوا كل أصناف البرغر يلي بتجي تلات أنواع مع دجاج كرسبي، سلطة، والصوص الغنية مع قطعة دجاج فخمة مغطاية بصوص وغيرها من الإضافات الغنية.

غير الدجاج بيعملوا ساندويشات، جوانح، بوبكرن تشيكن، وقراص جبنة بشهوا وقصص ولا أطيب.

الخدمة سوبر سريعة والكل برحب فيكن وبيتهم فيكن كأنكن ببيتكن، حتى الأسعار مقبولة نوعاً ما بالنسبة للوضع، أتخن طبق حقو 000 450 ل. ل. يلي هوي بروستد دجاج. شو كمان؟ بتلاقوا قصص أرخص بكتير وكل فترة وفترة بيعملوا عروضات لتستفيدوا إنتو وأصحابكن من الجمعة الحلوة والطعمة الطيبة.

كمان ما تنسوا تتصوروا مع كوكو وغولدي وتستمتعوا بكل لقمة وقرشة.

لتعرفوا أكتر عن المحل، اتصلوا على 369 909 03

شوفوا كمان: شي مرة مجربين بيتزا على دوناتس؟ اكتشفوا معنا هل محل.