وين فيكن تقضوا ليلة راس السنة بلبنان؟

صح بعد في شهر لليلة الراس السنة بس الإيام بتقطع بسرعة والحجوزات لازم تنعمل قبل بوقت، لهيك رح نخبركن عن كم محل فيكن تقضوا فيهن ليلة من العمر عم تحتفلوا براس السنة.

١. بيت نوال، بشري

على كتف وادي قنوبين تاكي هل بيت، هوي جوهرة وادي قنوبين المخفية. الواحة الهادية يلي فيكن تقصدوها لتبعدوا عن ضجة بيروت والعجقة لي ما بتخلص، فيكن تكنكنوا بهل بيت وتستمتعوا بالقعدة الدافية والمنظر الروعة وتحطوا موسيقى وتعيشوا أجواء العيد.

الرقم: 651 759 70

٢. فيلا بلوتيك Villa Bleutique، البربارة

فيلا من عالم تاني، بتتميز بقعدة حجر وقناطر تراثية وشبابيك ملونة مع كل وسايل الراحة والرفاهية. بتعيشوا بهل فيلا ليلة من العمر مع إطلالة استثنائية على البحر- مكان بياخدكن على عالم كلو سحر متل بالقصص.

الرقم: 072 888 78

٣. ذا دوم The Dome، كفردبيان

بدكن تعيشوا تجربة بيت القبة؟ تخايلوا التلج غطى الجبال والوديان وصار اللون الأبيض على مد عينكن والنظر وإنتو قاعدين بقبة مقززة، قدام الدفاية عم تاكلوا كستنا، وقادرين تشوفوا كل هل الجمال من عندكن. شعور لا يوصف! هل مكان مناسب أكتر شي لقعدة حميمة ورومانسية.

الرقم: 330 331 70

٤. بيوت غلبون، غلبون

ما في أحلى من جو الضيعة ليلة راس السنة، رواق وبرد وشتي وتلج وبيت حجر ونار. هيك الأجواء ببيوت غلبون، بإختصار بتلاقوا بخدمتكن كل الوسايل لتدللوا حالكن ضمن ديكور راقي وأنيق. وكمان فيكن تجربوا منتجات من الضيعة والمونة البلدية.

الرقم: 666 771 76

٥. شاتو سكاف Chateau Skaff، فيطرون

كلنا منحب نعيش تجربة راس السنة بفاريا بس منعرف قدي الأسعار بتكون عالية، لهيك قعدة بضيعة فيطرون بجرود كسروان ما بتشكي من شي- هوا وطبيعة نقية ومنظر بطير العقل. هل مشروع مألف من 4 أنواع: شاليهات مهضومين: شاليهات زغيرة، ووسط، كبيرة، وشاليه دوبلكس. البيت من جوا حجر مستوحى من الطراز الأميركي الجبلي. بيتمتع بشبابيك قزاز بتطل على الجبال الخضرا، لتوعوا الصبح وتشربوا فنجان القهوة عرواق إنتو وعم تستمتعوا بالمنظر.

الرقم: 024 707 70

٦. بيت الجبل، دير القمر

بيتميز هالبيت بالشوف بموقعو الجذاب. بطل عضيع بعدها محافظة على الأصالة والجمال والصبح بإنتظاركن أشهى المأكولات البنانية ممكن تتخيلوها بمطعم الجبل لي بيعكس أجواء الضيعة اللبنانية وبقدم أطيب المأكولات. بهل محل بيجتمعوا أجمل شغلتين بالحياة: وسايل الراحة والأكل الطيب.

الرقم: 767 160 71

٧. لوبيرج دي إمير L’auberge Des Emirs، دير القمر

بيتمتع فندق L’Auberge des Emirs بمساحة للاسترخاء الشخصي وعيش تجربة ملوكية. بقلب المشروع في مطعم بقدم ترويقة بلدية ومجموعة متنوعة من المأكولات الشهية. هلق بس تفوتوا على الأوتيل، رح تنسحروا من الديكور والألوان والتصميم المميز الملوكي لي خلالو بتسافروا بالزمن، وبترجعوا علبنان إيام الزمن الجميل.

الرقم: 507 656 71

٨. لوبيرج دو كور L’auberge de Kour، البترون

بتعيشوا بهل بيت تجربة لا توصف! هل مكان بياخدكن على عالم كلو سحر متل بالقصص من خلال التفاصيل البسيطة متل بيت حجر، الديكور والمنظر الحلو والقعدة الرايقة لتحسوا بالراحة النفسية. أوض النوم مريحة ومضوية وبتطل على منظر الجبل.

الرقم: 568 103 76

٩. أوتيل طوني عريضة، الأرز

هل أوتيل موجود بمنطقة الأرز لي بتتميز بالتلج الأبيض لي بيغطي المرج كلو. ما في أجمل من تمضاية ليلة راس السنة حد الأرزات إنتو ومدفايين حالكن حد النار عم تاكلوا أطيب أكلات مع الناس لي بتحبوهون. على الساعة 12 بالليل ببلش الcountdown بساحة الميدان بإهدن وهيك فيكن تشاركوا في لأن منكن كتير بعاد. تأكدوا كمان إنو فيكن تستمتعوا بأطيب الوجبات بمطاعم الضيعة.

الرقم: 677 266 03

شوفوا كمان، بحاجة لعطلة؟ ٢٤ بيت ضيافة جاهز يستقبلكن هل شتوية.