مطعم كركند: مأكولات بحرية على صوت موج والبحر

مشوا معنا على منطقة عمشيت الرائعة وتحديداً على مطعم على البحر. مطعم كركند للمأكولات البحرية بجبلكن أطباق مميزة ومعمولة بكل إحتراف مع منظر على البحر والسما بيطوش. كفوا معنا لتعرفوا شو ناطركن.

قعدته كتير ممتازة، دغري حد البحر بتشوفوا الموج عم يروح ويجي، شط صخري بتتفرجه منه على أجمل غروب للشمس. والقعدة جوا مرتبة وواسعة عندها إطلالة على البحر كتير فخمة.

المازة اللي بقدمها غريبة وطعمتها مميزة، أطباق منحبها متل متبل وحمص وبطاطا مشوية ورقاقات جبنة وورق عنب وطاجن وبرغل مع البندورة بطعمات مش اعتيادية وإضافات شهية.

وأكيد المازة البحرية بتتضمن سمك نيّ وسلمون بالصويا وكبة سمك نيّ، وكمان فتّة قريدس ورقاقات قريدس وكالاماري مقلي، عم تتخايلوا أدي الطعمات مميزة ومختلفة؟ هيدا عدا عن السلطات الشهية من التبولة والفتوش والبندورة العمشيتية اللي بتكمّل كل سفرة، وكمان السلطات البحرية متل سلطة القريدس أو الكراب.

وإذا منبلش بالسمك ما منخلص، بتلاقوا السمك النيّ بأنواعه، والسمك المقلي على اصوله، والسمك المشوي مع اطيب الصوص والتتبيلات الغير شكل، وغيره مع رز، وشو ما بيطلع عبالكنseafood من قريدس وكراب وغيره موجود.

بتتقدم الأطباق بكل فن واحترافية لتنبسطوا بالقعدة على الآخر مع الأكل الطيب والمنظر البحري الروعة.

بحال حبيتوا، فيكن تتصلوا بالمطعم على 81/775411

شوفوا كمان، سكتوا جوعكن على الآخر وشوفوا هل-١٣ محل ببيروت