استمتعوا برحلة ساحرة على البيت الحجر المخبى بجبيل

شي مرة خطر عبالكن تقعدوا ببيت حجر حد النار وتتفرجوا على البحر؟

فيلا بلوتيك Villa Bleutique بيت تراثي وقطعة سما على الأرض موجودة بمنطقة البربارة بجبيل، بيتميز بطلة على البحر وبقعدة حجر وقناطر.

فيلا بلوتيك بيت ضيافة كبير بيجمع بين الضيعة والبحر. البيت بساع ٨ ضيوف وهو مقسم بين صالون مع شوميني وسفرة ومطبخ و٤ غرف نوم وست حمامات. أما برا فبتلاقوا جنينة واسعة كلها خضار وشجر وقعدة حلوة بتحسسكن بأجواء الضيعة والتراث اللبناني.

البيت بطل على البحر وساحل المدينة، لتوعوا الصبح وتشربوا فنجان القهوة عرواق إنتو وعم تستمتعوا بالمنظر الحلو.

هل بيت مناسب لكل حدا حابب يعمل عرسو أو يحتفل بالخطبة والفرح بمحل بيشبه قصر الأحلام مع جنينة مهضومة وديكور فخم خرج تصوير.

بالشتوية، القعدة جوا بالبيت الحجر تجربة عنجد خيالية. بتشوفوا البحر قبالكن وبتحضروا الشتي إنتو ومكنكنين حد النار.

أما بالنسبة للأسعار فهيي شوي غالية نوعاً ما: 400$ على الليلة وفيكن تقسموها مع الأشخاص لي حابين يقضوا ليلة بهل مكان.

للحجز اتصلوا على 072 888 78

شوفوا كمان: بحاجة لعطلة؟ ٢٤ بيت ضيافة جاهز يستقبلكن هل شتوية.