ما تروحوا عليكن مهرجان عيد الميلاد بضيعة القبيات هل أسبوع

جاهزين للعيد؟ من القصص الحلوة لي فيكن تعملوها بالعيد، إنكن تطلعوا تزوروا ضيعة جديدة بلبنان وتتعرفوا على جواهر لبنان المخفية مع العيلة والأصحاب.

من هل ضيع، ضيعة القبيات لي تعتبر كنز مخفي بشمال لبنان، بتتميز بجمال طبيعتها والأثار الرومانية والفينيقية والكنايس العتيقة وجوها ومطاعمها الحلوين.

خلينا نخبركن شو عاملين شي حلو هل جمعة بالقبيات. رح يبلش مهرجان The Christmas Factory لسنة 2022 من 19 حتى 25 الشهر بمعمل الحرير.

قصص كتير حلوة ناطرتكن بهل مهرجان متل العروض المباشرة الروعة للزغار من 22 لحديت 25 الشهر بمشاركة Mini Studio Club وGhinwa’s World، بالإضافة لسوق للأكل والحرفيات وكتير كتير مفاجأت فرحة ناطرتكن!

تزينت شوارع الضيعة بزينة الميلاد وبستاندات عم تبيع هدايا للعيد وقصص مهضومة ومكتكتة.

أكيد كمان في أكل وشرب وحلو وكل شي بيخطر عبالكن.

رح يتضمن المهرجان كمان ألعاب كتير مهضومة متل برنامج المواهب، بطولات الشطرنج والداما وتحدي لعبة الطاولة (محبوسة).

في زينة ميلاد مهضومة كتير فيكن تتصوروا حدها.

شوفوا البروغرام المفصل هون.

هلق إذا أول مرة بتطلعوا على القبيات، فيكن تقضوا ليلة ببيت حجر عتيق بين الشجر عند Graneroverde Resort. أما إذا عبالكن قعدة ببيت حجر بنص الغابة، فيكن تتمتعوا بالنومة بJabalna Ecolodge.

الرقم: 935 542 03 (Jabalna Ecolodge)

الرقم: 347 473 70 (Graneroverde Resort)

هيدي السنة كل ليلة بلبنان، ليلة عيد!

شوفوا دليلكن الكامل لتقضوا نهار بالقبيات هون: مشوار على ضيعة القبيات: ٢٤ شغلة تعملوها بهالمنطقة.