مفاجأة كبيرة: رح يتصور ستار أكاديمي 12 بالسعودية!

سمعتوا إنو ستار أكاديمي راجع؟ واليوم جيبينلكن تفاصيل جديدة!

المفاجأة الكبرى لي تم الإفصاح عنا من قبل موقع Btrending إنو رح يتم تصوير الموسم الجديد من برنامج ستار أكاديمي بالسعودية ومش بلبنان!

#ايلي_مرعب حصريًا لموقع #Btrending سوف يتم تصوير الموسم الجديد من برنامج #ستار_اكاديمي في المملكة العربية #السعودية 🇸🇦 من انتاج السيدة #رولا_سعد و LBCI اما الكاستينغ سوف يبدأ مطلع فبراير ٢٠٢٣ ☺️ pic.twitter.com/0zcGHGMPdY

— Elie Merheb (@_ElieMerheb) December 17, 2022

وبحسب معلومات قناة Star Mix TV وافقت هيلدا خليفة على تقديم البرنامج بموسمو ال12!

أما الخبرية التانية إنو رح تنتج البرنامج هل مرة الست رولا سعد من جديد من بعد ما استلمت الإنتاج بالمواسم الأخيرة الكاتبة والممثلة كلوديا مرشليان إلى جانب محطة الLBC. أما الكاستينغ فرح يبلش بشهر شباط 2023 وكشف عن هل شي الصحافي إيلي مرعب.

تفاعل الجمهور فكان واضح على تويتر، كتار تمنوا عودة البرنامج على لبنان وحتى قسم من الجمهور العربي اعتبر إنو الجو بلبنان غير.

Star academy barat lebnen metel ka2an star academy bala hilda khalife 💔
Men lebnen balach w men wara el moubdi3in el lebneniye w men wara el joumhour el lebnene wel fenenin el lebneniyin yali kelo el 2aktariye men el dyouf ! Sad 🥺

— Jeffry HW (@JeffryMoukarzel) December 17, 2022

نجاح ستار اكاديمي في لبنان وفي المبنى القديم لان البداية انطلقت في بالبنان 2004 الى 2011 كنت اتمنى وجوده في لبنان والمبنى القديم اذا بالسعودية لازم نفس تصميم المبنى القديم نسخ لصق لان اذا تغير شيء في انظمة ستار اكاديمي ما راح ينجح وشفنا المواسم السابقة 9 – 10 – 11 مرو مرور الكرام

— MAJED ABOU ZAHRA (@majedabouzahra) December 17, 2022

حتى البرامج اللبنانية حرمونا منها و صارت تتصور خارج الاراضي

— 💫 Stephanie Saad 💫 (@Saad_Stephanie) December 17, 2022

غير هيك، وعد الصحافي إيلي مرعب إنو الموسم الجديد من ستار أكاديمي رح يكون فيو مفاجآت كتيرة.

في مفاجآت كتير ناطرتكم بتخص برنامج #ستار_اكاديمي رح تصدمكم 😳 وحصريًا عندي 😉 تابعوا حسابي وخليكم جاهزين #ايلي_مرعب

— Elie Merheb (@_ElieMerheb) December 17, 2022

إنتو شو رأيكن؟

لتعرفوا أكتر عن هل موضوع شوفوا: حزروا شو؟ ستار أكاديمي راجع بموسم جديد على الLBC.