٥ محلات هدايا مهضومة لعيد الميلاد

محتارين وين تجيبوا هدايا العيد، رح نعرفكن على ٥ محلات فيكن تطلبوا من عندن أجمل هدية.

١. نايفاس Naïvas

هل محل بيعمل gadgets كتير مهضومين وموديلات محفورة على الخشب، علب هدايا لكريسماس، زينة، وغيرها من الهدايا المبتكرة. إذا محتارين شو تجيبوا، بيعملو بورتكلي للمفاتيح كتير حلوين مصنوعين من خشب مع جملة مهضومة وشوية رسمات وزخرفات.

لتعرفوا أكتر عن المحل تواصلوا معن على إنستاغرام.

٢. مكتبة السناء، راس النبع-بيروت

عم تفتشوا على هدية خفيفة ومهضومة؟ شوفوا هل مكتبة يلي بتلاقوا عندها قلام فيكن تحفروا إسم الشخص علين وكل قلم بكون محطوط بعلبة مرتبة وفي قصص غير مهضومة متل كلسات كروشي وأساور.

٣. ليني، الحدت

بتلاقوا عند هل محل أفكار لهدايا مرتبة وبأسعار مدروسة متل perfume، مكياج، ألعاب للولاد، جزادين، أكسسوارات، وكريمات للوج وبعض الأكسيسوارات الرجالية.

الرقم: 701 305 03

٤. ذا إنغرايف يارد The Engrave Yard

هل محل المهضوم بحضر كايكات كتير مهضومين وبسكيوت وشوكولا على الطلب، بيعملوا كمان موديلات على الخشب مع صور وأسامي من اختياركن.

الرقم: 718 956 78

٥. ناردين غيفتس Nardin Gifts، كفررمان-بيروت

هل محل بيعمل مجوهرات وأكسسوارات على الإيد وعندن موديلات كتير مهضومين وشابويات كتير كيوت. بفترة العيد عم يعملوا هدايا كتير مهضومين بقلب علبة خاصة لكريسماس.

الرقم: 224 699 76

شوفوا كمان، مرقتوا على سوق الميلاد ببكفيا؟ (الدخول مجاني).