لبنانية عندها أكتر من ٢٠ مليون متابع على التيك توك عم تجمع تبرعات على العيد
إذا كنتو بتحبوا تتصفحوا التيك توك اكيد شفتوا سورثاني حجيج! لبنانية من فنزويلا انشهرت عالمياً على التيك توك بفيديوهاتها الفنية للطبخ وحبّها وعطائها للعيل الفقيرة والمحتاجة .
أغلب فيديوهاتها للطبخ عم تجذب اكتر من مليون مشاهدة، وبتتضمن تحضير طناجر وصواني كبيرة ومعرّمة من الأكل اللي بشهي، وصفات تقليدية وعالمية مميزة، وبآخر كل فيديو بتقدم هالأطباق للمحتاجين بالمنطقة.
بتتميز فيديوهاتها بالجودة العالية واللقطات الإحترافية والمقاطع المهضومة، بتقعدوا عم تتفرجوا على صفحتها ساعات وساعات. حالياً هي عندها على التيك توك اكتر من ٢٠ مليون متابع من حول العالم، وعم تجمع تبرعات للمحتاجين لتقدر تقدم الهدايا للولاد بالكريسماس وتجبلن فرحة العيد على قلوبن.
إذا حابين تدعموا سورثاني أو تقدموا التبرعات، فيكن تابعوها على مواقعها الإجتماعية على التيك توك والانستغرام.
شوفوا كمان، أشهر أكلات عيد الميلاد بلبنان.
