جربوا هل ٥ أفران لأطيب مناقيش بالبلد

أطيب ترويقة هي منقوشة طازة وسخنة على الصبح، معجونة ومخبوزة غير شكل. ولأنو عازمينكن على الترويقة، شوفوا معنا ٥ أفران لتجربوا مناقيش مميزة.

١- خان الجبيل – جبيل

بتاكلوا أطيب مناقيش بين شوارع وأسواق الجبيل العريقة، بقدملكن صينية محرزة من المناقيش الطازة والسّخنة، مع لبنة وجبنة وخضرا بس ضروري تجربوا مناقيش زعتر مع لبنة مكعزلة وخضرا من عندو، شكلها وطعمها بشهي!

الرقم: 09/544599

٢- مزارع اللقيس – بيروت، شتورة، زحلة

مشهور اللقيس بالصفيحة اللي بيعملها، بس شي مرة جربته المناقيش من عندن؟ مناقيشن طازة وعجينتها سمرة وطعمها مميز. وكمان بقدم ترويقة بلدية غير شكل، بتلاقوا الاجبان والالبان والبيض المخفوق والحمص والفول المدمس.

الرقم: 01/373824 – 70/177797

٣- فرن مرشاق – البترون

هالفرن يلي صار من أشهر المحلات بالبترون بيتميز بمناقيشه اللي بتجي على شكل شختورة مليانة طعمات ومكونات بتفتح النفس، من الزعتر والحلوم بس لازم تجربوه مناقيش الزعتر اللي المحشية بالجبنة الدايبة.

الرقم: 06/740010

٤- فرن بعينو – صربا، جونية

بتجربوا من عند هالفرن أطيب مناقيش بلحم بعجين، مع عصرة حامض ورشة حر، بتلاقوا المناقيش على أنواعها وكمان الملفوفة، بتجي عجينتها خفيفة وغنية بالطعمة، طرية ومقرمشة بنفس الوقت، ما في أطيب من هيك!

الرقم: 09/225573

٥- فرن عبيد – سن الفيل

شي مرة مجربين منقوشة دوبلكس؟ بقدم فرن عبيد منقوشة طبقتين من مختلف الطعمات ومحشية غير شكل، فيكن تجربوا منقوشة دوبلكس بجبنة وزعتر، أو دوبلكس بجبنة قورما وكشك. بتلاقوا بهل فرن كافة أنواع المعجنات والمناقيش، وحتى مناقيش لايت اللي بدو ترويقة خفيفة.

الرقم: 01/481415 – 81/355277

شوفوا كمان، ٥ مطاعم لازم تجربوها لأطيب ترويقة بلبنان