جربوا هل-٥ محلات لكرواسون بطعم خيالي

عبالكن كرواسون دسمة ومقرمشة بطعمة روعة؟ ما تروحوا كتير لبعيد، شوفوا معنا هل-5 مطارح لتدوقوا كرواسون خيالية.

1- قصر الحلاب – فروعة مختلفة

مع إنو معروف بالحلويات العربية والكنافة أكتر شي، قصر الحلاب بلا شك كمان عندو تشكيلة من الكرواسون متنوعة ومبتكرة. بتطلع الكرواسون طرية وبتقرمش ومليانة بالطعمات، طازة وريحتها بتاخد العقل.

بس ضروري تجربوا الكرواسون باللوز، طعمها حلوة ومزينة غير شكل باللوز والسكر، يعني عم تتخايلوا تغمسوا هالكرواسون بقهوتكن الصباحية؟

وإذا عبالكن الكرواسون بلوك جديد، جربوا الكرواسون رول من عندن، شكلن مهضوم وقرمشتن غير عالم، منن محشيين بالشوكولا ومزينين بصوص الشوكولا أو المكسرات، منظر وطعمة روعة.

الرقم: 1881

2- Mont Croissant – فروعة مختلفة

هالمحل بقدملكن الكرواسون بإضافات بتجنن، جربوا كرواسون محشية بالكريمة الطيبة والفريز ومرشوش عليها السكر، ريحتها وشكلها وطعمها بشهي!

وإذا انتو ما كتير بتحبو الأكل الحلو، لازم تجربوا كرواسون الميكس بالزعتر والجبنة الدايبة من عندن، سخنة وطازة وطعمها بيدوب بالتم!

الرقم: الدكوانة 700 355 81 – زوق مكايل 338 335 81 – الأشرفية 336 838 70 – أنطلياس 700 330 81 – المنصورية 600 330 81

3- كرواسون الضحى – الضاحية

معروف كرواسون الضحى انو بقدم كرواسون طيبة بالضاحية، وعندو اختراعات ما حدا سبقو عليها! فيكن تدوقوا كرواسون الشوكولا من عندو بتجي محشية على الآخر بالنوتيلا والهيرشيز الشهية.

أو تجربوا كرواسون الشاورما اللي عملت بلبلة على السوشيال ميديا وما بقي حدن الا وما تحرقص ليجربها، اختراع غريب عاللبناني!

الرقم: اوتستراد هادي نصرالله 355 750 81 – حي السلم 423 830 76 – طريق المطار 926 808 76

4- كرواسون بار – سوق الجبيل القديم

ضروري تجربوا كرواسون بار لما تكونوا بالجبيل، قاعد هالكافيه المهضوم بسوق جبيل العتيق وبقدم تشكيلة كرواسون بتشق القلب ومحشية بطعمات خيالية.

متل كرواسون بزبدة الفستق والشوكولاتة والفريز، كومبو كتير قوي وبيفتح النفس.

أو كرواسون الحلوم المالحة لترويقة خفيفة تبلشوا فيها نهركن.

الرقم: 305 488 81

5- Neo Gourmat – الأشرفية

بقدملكن هالمحل كرواسون طازة وبتشهي، عندو طعمات كلاسيكية متل الزعتر والجبنة والزبدة، وحتى كمان كرواسون باللوز، لازم تجربوا!

الرقم: 326 203 01

شوفوا كمان، أطيب ٥ محلات كنافة ببيروت