خناقات مهضومة بتصير مع المصاحبين بلبنان

شو؟ في حدا هيك هيك؟ بحال كنتوا مصاحبين أو مش مصاحبين، مشوا نضحك سوا و نشوف خناقات بتصير مع كل المصاحبين بهل البلد.

1. لما يتخانقوا وين بدن يتعشوا اليوم

أو وين بدن يتغدوا عند أهلو أو أهلها

2. لما حدن منن يضلوا حاطط راسو بالتلفون

“احترم وجودي بس وشيل هالتلفون من إيدك”

3. لما الإكس يتحركش بواحد منكن وتبلش المشاكل

كيف وليش وايمتن؟ والتحقيق ببلش: وبتحبني أو لا؟

4. لما يتخانقوا مين بدو يسكر الخط قبل

أو “ما بتغفى انا وعم احكيك؟”

5. لما يكون واحد منن بدو يضهر والتاني بدو يضل بالبيت

“يعني البلاي ستايشن صارت أهم مني؟”

6. لما ما يحبو يضهروا مع أصحابكن

“شو قصدك رفيقتي بايخة وما إلك خلق عليها؟ يعني أنا وخياراتي بايخين!”

7. لما يتخانقوا على الموسيقى اللي بدن يسمعوها

“كل ما نضهر بدك تسمعني جورج وسوف وتقلبها حزن وبكا، ما خلص قرفتنا، حطلي ناصيف زيتون”

8. لما يتخانقوا مين بدو يدفع بالحساب

” لا انا ما بقبل حدن يدفع عني، لا خلص هالمرة عليي”

9. لما واحد منن يكون صرلو ساعة ناطر بالسيارة

“اي يلا 5 دقايق وبنزل” وبتسحب معن ابو ساعة و5 دقايق

10. لما يكون حدن منن بدو يتصور والتاني مش عم يعرف يصور متل الخلق

“ليه هيك عطول بتطلعني بشعة بالصور؟ معقول عم تعملها قصد لما حدا يشوفني حلوة غيرك؟”

11. بس يتخانقوا أي فيلم بدن يحضروا على التلفزيون أو النتفلكس

“مين قلك بدي فيلم أكشن؟ ولا ما تحط رعب كتير بخاف، بدي فيلم زياد برجي”

12. لما يتخانقوا من ورا لايك على إنستاغرام

” لحظة مين هاي؟ وليه عملتلك لايك؟ ييييي عاملها فوفلو كمان؟؟؟” مين هاي عترف هلقققق!”

13. لما تسأل شو مغير فيها وانت ما تحزر

“كيف يعني ما انتبهت انو قصيت شعري المقصف عن الأطراف؟ صاير ما بتهتم! أكيد في وحدة تانية بحياتك”

14. لما يتخانقوا كرمال بيضل مع رفقاتو

“والله ما في حدا يهديك، بتضلك برات البيت، شو السهرة كمان اليوم عند صاحبك؟ دخلك، مرتو ما بتنزعج منكن بتضلكن عندها؟؟؟؟”

15. لما يتخانقوا كرمال العيلة

“شفت خيك كيف بيطلع فيي؟ وكأنو إختك مش طايقتني؟ خير انشا الله، كلكن بالعيلة هيك نكدين”

16. لما واحد منن ينام ويرجع يبين أونلاين على ال 3 الصبح لأن فتح واتساب بالغلط

“تاني مرة ما بتقلي رايح نام، قلي رايح إحكي مع النسوان للصبح”

وانتو خبرونا، ع شو كمان بتتخانق؟

بدكن تضحكوا؟ شوفوا عبارات غزل عاللبناني بتفطس ضحك.