أجمل أغاني المسلسلات اللبنانية لي ربينا عليها

يمكن أكتر شي بذكرنا بالإيام الحلوة هني المسلسلات القديمة والأغاني لي بعدها علقاني براسنا، خلتنا نتعلق بهل مسلسلات أكتر وأكتر، خلونا نتذكر هل أغاني. أغاني بتمحل ذكريات أحلى الإيام بلبنان وبترجع الحنين على الزمن الجميل.

١. غنوجة بيا

مين ما بتذكر رنا بركات وطارق فياض وقصة الحب المستحيلة؟

غنوجي وشو على بالي، بأمر على زغير وكبير، ما حدا بيوق قبالي لا أمير ولا وزير، وغمزة مني للpapa متل ما بدي بصير!

٢. الدنيا هيك

بتذكروا “زمرد وعزيز ووردة وبلبل المزيكاتي وشويكار وكوكو وعلوش؟”

الدنيي هيك، الدنيي هيك، الدنيي هيك ومش هيك… سمعت امبارح جار ديوك عم بيقول الدنيي هيك

ردينا و قلنا لدويك يا عمي الدنيي مش هيك الدنيي بسمة ولا عبسة قول نحنا عملناها هيك.

٣. مرتي وبنتي وأنا

قدي كنا نضحك على خناقات كارين وفادي والجار السئيل وجيه؟

أناااا ومرررتي ومررمررمرررتي وأنا، شو قصدك إنو أنا مرمرتلك حياتك؟ مرتي وبنتي وأنا تلاتة صاروا الأغلى بحياتي. مرتي وبنتي وأنا.. واحد، تنين، تلاتة ويلا…

٤. جميل وجميلة

“جميل وجميلة، طبعاً يا جميلة”، مين ما كان مغروم بغنية هل مسلسل؟

لا عريض ولا طويل.. هيي حلوة وطويلة، هوي بالإسم جميل وهيي فعلاً جميلة.

٥. فاميليا

مين ما نطر على نار لحظة اجتماع رمزي خياط ونبيلة شقير سوا؟

هل غنية ما فيها كلمات بس كلمة “فاميليا” بس على الأكيد علقت براسنا وذاكرتنا

٦. عبدو وعبدو

فعلاً أنجح عمل لجورج خباز على الإطلاق

الأولاني إسمو عبدو والتاني إسمو عبدو، الأولاني بيخدم التاني وعبدو وعبدو… الأول بدرسو مشغول والتاني بطق الحنك… تنيناتن من نفس الضيعة بس الطاسة معن ضايعة، الأولاني مش متل التاني وعبدو وعبدو يا عبدو.

٧. حلوة وكذابة

قدي كان مهضوم هل مسلسل وأكتر شي حبينا دخول زياد برجي على عالم التمثيل

شو حلوة وشو كذابة وشو حرقتلي أعصابي وطلعتي أكذب مني. كذباتك مهضومة، خفيفة ومفهومة وأفلامك محروقة وأنا مخرج الفلومي. طلعتيني من تيابي وطلعتي أكذب مني، بس خليتيلي حياتي بوجودك أحلى جنة!

٨. المعلمة والأستاذ

ما حدا حافظ ولا كلمة من هل غنية بس كل ما نرجع نسمعها منفقع ضحك من دون سبب

٩. طالبين القرب

من أجمل أغاني المسلسلات على الإطلاق، بعدنا لهلق منتأثر بس نسمعها

نحنا وإنتو وين ما كنتوا حتى ما نبقى غرب نحنا طالبين القرب… كل دمعة عين في عين بتقشعها، كل حرقة قلب قلوبنا معها.

١٠. أحلى بيوت راس بيروت

مين ما كان يحب هل غنية ومين ما بتذكر كل كلمة وكل حرف منها

محظوظ كتير إي حظو كبير يلي بفوت على هل بيت… بيت من أحلى بيوت راس بيروت. أخبارن غنية كلها فرحة وهنية، حيطانن محمية بعاطفة وحنية… بيت من أحلى بيوت راس بيروت.

١١. مريانا

كلنا منتذكر هل مسلسل وشجاعة مريانا لي نزلت من الضيعة على بيروت وتعذبت كتير بس رجعت لقيت حب حياتها

حلوة وما بدها ينقلها شو هل حلا، بدها الحلا يسكن بالقلب يما بلا، لي ستحلوها وحبوها وما قدروا كتيار… حلم بنهدو وعسل بشهدو نحلة عقصتها بالنار.

١٢. بنت الحي

بتذكروا ميرا البنت الشقرا الطيوبة لي كانت إمها ما بتحبها وتعذبها كتير… كم مرة حاضرين هل مسلسل؟

هيدا الحي لي وصلتلوا برمتو كلو، بهل حي إما اشتروا مني ومش من حقي لومن بدل ما يشتروا مني أنا لي اشتريت همومن، همن الكبير قبل الخبز والمي بنت زغيرة بقولولها بنت الحي… بنت الحي الله معوضلها بهل بي.

شوفوا كمان، أنواع أساتذة المدرسة بلبنان.