بيتنا: بيت حجر، موقد وجلسة شتوية

بمنطقة الباروك الجبلية الخضرة قاعد مطعم “بيتنا“، كلو أجواء دافية وحميمة من الموقد بتكملها المأكولات اللبنانية اللذيذة، شايفين قدي معقول تكون جلسة مثالية؟

هل محل بسرعة حيصير بيتكن بالجبل! أول ما توصلوا علي رح تدوفوا لأن النار بدفي القلب والروح، رح تحسوا حالكن فايتين على بيت حجر عتيق ودافي بعيد عن العالم والهموم.

قعدة لذيذة ومكنكنة حد الشيميني! استمتعوا بأشهى منيو لبناني بأطباق متل كبة نية بالجرن، فتوش مع دبس الرمان، مشاوي طازة، فتة بتنجان، وغيرن كتير.

كل شي بهل مطعم حميم وبيتوتي، الطاولة، التريات، الأضوية الرايقة والقطع الأثرية. بس تبلش تتلج بالباروك، حتكون أحلى قعده بهل مطعم بدفى الموقد إنتو وعم تشوفوا التلج المغطى كل شي.

الأكل بيوصل على طاولتكن بالفخارة لتحسوا بكل لقمة وترجعوا بالزمن على إيام ما كانت القصص تمشي على الهدا. كل أصناف الأكل اللبناني موجودة وكل شي من حواضر البيت، مصنوع بفن وحب. حتى الكبة النية بيعملوها بقلب الجرن، متل عادات أهل الجبل. بس تخلصوا أكلكن ما تنسوا تستمتعوا بفنجان قهوة غير شكل على الطريقة القديمة.

مكان بياخدكن على عالم كلو سحر متل بالقصص القديمة!

بس تخلصوا أكل بتحملوا حالكن وبتعملوا مشوار على غابة أرز الباروك وبتتفرجوا على الطبيعة الحلوة.

لتعرفوا أكتر عن المطعم اتصلوا على 456 841 03

شوفوا كمان، دار بيروت: مطعم بقدم مطبخ لبناني حيسحركن.