قعدة ساحرة فوق الشير ناطرتكن عند هل بيت على الوادي

لبنان عبارة عن مناظر حلوة وبترد الروح، أجدد وأجمل مكان اكتشفنا هوي إدين ذا كابين Eden The Cabin، جنة مخباية على أكبر شير بكل لبنان.

إدين ذا كابين Eden the Cabin عبارة عن مكان خاص، فيكن تستأجروا ليوم مع الحبيب والأصحاب لتقضوا أحلى أوقات سوا.

شلالات يحشوش تحتكن وبحيرة شوان قبالكن والوادي الشرح بياخد العقل، وجبال خضرا كأنها مرسومة. هل بيت الضيافة مش متل أي بيت تاني بلبنان بسبب موقعو على الشير، بيتألف من مطبخ، أوضة نوم، صالون، وبساع 4 أشخاص.

بتفيقوا الصبح وبتستمتعوا بأطيب ترويقة بلدية إنتو وعم تدفوا حد النار. بتطلعوا على البلكون وبتشوفوا المنظر الخيالي وكأنو مشهد من فيلم، شي سحري على الآخر!

إنتو ونايمين بالتخت رح تشوفوا المنظر الحلو قدامكن!

تأكدوا إنكن تتأملوا غياب الشمس من البلكون مع فنجان قهوة وأغاني رومانسية كرمال تشوفوا أكتر مشهد ساحر رح تشوفوا بحياتكن.

البيت من برا من الحجر الحلو ومغطى بقرميد ومن جوا السقف خشب والحيط حجر، واقف على التلة، رح تحسوا حالكن بغير عالم. من القعدة للأكل الطيب للأجواء، عنجد تجربة كتير حلوة.

في كمان مطعم قريب رح تحبوا القعدة في كتير “جلسة ورد” لي بقدم أكل لبناني على أصولو، من المازة للمشاوي للصاج.

أما الأسعار فهيي 150$ بنص الجمعة و200$ بالويك-أند، فإذا عبالكن تحجزوا أو تستفسروا أكتر اتصلوا على 014 273 03.

شوفوا كمان، بنص الشتوية: ١٧ شغلة تعملوها بضيعة كفردبيان.