صفوان الأصلي: ملك الصفيحة البعلبكية ببيروت

مين بحب الصفيحة كتير؟ مش ضروري تطلعوا على بعلبك لدوقوا الصفيحة البعلبكية على أصولها لأن بعلبك كلها نزلت لعندكن ورح تلاقوها عند فرن وملحمة صفوان الأصلي.

هالمحل صرلو من سنة 1984 بقدم أشهى اللحم بعجين والصفيحة والمعجنات وهوي عبارة عن فرن زغير ومهضوم يييروت، تعوا مرة ورح تعيدوها كل مرة بسبب الأكل الشهي، الجو الحلو، حسن الضيافة والخدمة العالية.

تجربة فريدة مننصحكن تخوضوها. دوقوا الصفيحة يلي اشتهر فيا ويلي محضرة ورا باب المطبخ هون: شي ما بيتصدق لحمة غير شكل، شوية دبس رمان، رشة حامض والعجينة لغير شكل بتوقف القلب.

ما فينا نحكي عن الصفيحة البعلبكية من دون ما نجيب سيرة اللحم بعجين هون، المهم نخبركن إنو فيكن تاكلوها مع دبس الرمان وحامض وتزيدولها شوية حر وكم قطعة كبيس لتستمتعوا بكل كدشة على الآخر.

إذا بدكن تنبسطوا بأكلتكن المميزة على الآخر ما عليكن إلا إنو تضموا العيران الطازة لوجبتكن، فيكن تاكلوا هونيك أو تتوجهوا للمكان لي بتحبوا لتستمتعوا بكل لقمة من أكلتكن المفضلة… وهي طيبة صخنة.

لا قبلو ولا بعدو! الصفيحة البعلبكية ببيروت خلقت لصفوان!

إنتو شو أكتر شي بتحبوا؟ اللحم بعجين او الصفيحة؟

العنوان الأول: أوزاعي، مفرق برج البراجنة

الرقم: 143 450 01

العنوان التاني: صفير

الرقم: 637 556 01

شوفوا كمان، أطيب ٥ محلات برغر ببيروت.