بعيد عن العالم: أجمل ٧ بيوت خشب تجربوها هالشتوية

عبالكن تقضوا عطلة شتوية بأكواخ خشبية مكنكنة ودافية، بقلب الطبيعة الجبلية وبعيدة عن العالم؟ كفوا معنا المشوار وتعرفوا على أجمل 7 بيوت خشب حول لبنان لقعدة شتوية من العمر.

1- ليالي الشمس – عنجر

الطبيعة الساحرة بضيعة عنجر الأثرية عن حق بينحكى فيها! بتميلوا على أوتيل ليالي الشمس المعروف بالمنطقة وبتقضوا أروع ليالي شتوية دافية بين بيوتو الخشبية المخباية بالشجر.

الرقم: 600 622 76

2- La Maison de la Forêt – بكاسين

بتعرفوا فيكن تستمتعوا بوقت مميز بقلب غابات الصنوبر ببكاسين؟ بيوت الخشب عند La Maison de la Forêt عندن قعدة بترد الروح ومحضونة بالشجر، ما لازم تروحوها عليكن هالشتوية.

الرقم: 222 800 07 – 252 828 78

3- منتجع الكهف – فنيدق القموعة، عكار

بدكن تحسوا حالكن قاعدين على حفة العالم؟ منتجع الكهف بالقموعة عندو بيوت خشب ساندة على الجبل، دافية ومكنكنة من جوا، وعندها فيو بيخطف القلب للجبال والوديان بالمنطقة!

الرقم: 103 411 70

4- أزيت كابين Uzit – مزرعة التفاح، إهدن

جمال طبيعة إهدن بالشتوية أبداً ما بيتفوّت، ولتستمتعوا بسحر هالمنطقة على المزبوط، جربوا قعدة بيت الخشب عند Uzit Cabin، فيها كل شي ممكن تحتاجوا، القعدة اللطيفة والطبيعة الحلوة والراحة النفسية.

الرقم: 564 214 81

5- Ivy By Makani – عنايا، الجبيل

الكوخ دافي على الآخر، وعندو جاكوزي بأوضة قزاز لتقدروا تنبسطوا بالمي السخنة وتتفرجوا على المناظر الشتوية الخيالية من تلج وشتي.

الرقم: 189 169 79

6 – The Chill Hill Experience – وطا الجوز، كسروان

بتطلعوا على كسروان وبتلاقوا مخبى بطبيعتها بيوت الأحلام عند The Chill Hill Experience، عندن مطعم وبار وبيوت ضيافة خشب بعيدة عن العالم، مكان ساحر لترتاحوا نفسياً وتروقوا راسكن.

الرقم: 458 775 76

7- سكاي ناين – اللقلوق

أول ما تفوتوا على هل بيت الخشب رح تحسوا بالجو اللطيف والدافي، ما بتعتلوا همّ السقعة لانو فيه موقدة لتخلي الجو لطيف ودافي. بيت تفاصيلو مكنكنة ومهضومة، ضروري تجربوا قعدتو هالشتوية!

الرقم: 999 126 76

شوفوا كمان، أجمل ٩ بيوت ضيافة ساحرة هالشتوية.