٥ محلات فيكن تطلبوا منن سندويش فلافل غير شكل ببيروت

إذا كنتوا من محبي الفلافل على أصولها وبتعشقوا ريحتها وقرشتها ما إلكن غير تشوفوا معنا أطيب ٥ مطاعم فلافل بالعاصمة بيروت غير لي معودين نروح عليها بالعادة.

١. فول سلو، الأشرفية

مطعم لبناني فيو كل شي من كل شي، والقعدة عندو مهضومة كتير، الفلافل بهل محل قصة تانية… بيعملوا اختراعات بالفلافل شي بشق النفس. غير الفلافل العادية لي معودين عليها، سامعين بفلافل الجبنة؟ إذا مش مجربينا لازم تجربوها عند فول سلو لأن الجبنة كتير شهية وما بتمط أبداً وبتجي محشية موزاريلا، كمان بيعملوا تتبيلة فلالفل وبصل وسماق، شي كتير طيب. صدقوا إنو قرص الفلافل عندن كبير ومنو دلع أبداً وما بيجي مزيت كتير متل باقي المحلات.

مش بس هيك، بيعملوا شي كتير مهضوم ما بتلاقوا غير عندن: فلافل برغر.

الرقم: 744 778 81

٢. فلافل أبو الزيز

بمجرد دخولكن على هل المطعم رح تشعروا إنكن فرد من عيلة كبيرة. بقدم المطعم أطباق مميزة من الفلافل الطازة ولي بتقرمش ولي مزينة بالخضرا الطازة، قطعة الفلافل رقيقة وبتشهي ومكوناتها كلها طازة، فالنتيجة ساندويش فلافل من العمر!

الفرع الأول: الحمرا

الفرع التاني: السوديكو

الرقم: 225 651 01

٣. فلالفل أبو نبيل، المزرعة

إذا كنتوا بشوارع المزرعة وإجا عبالكن ساندويش فلافل مغطسة بالطرطور، ما إلكن غير تميلوا صوب هل محل. عند أبو نبيل، بتاكلوا أطيب ساندويش فلالفل مع صوص طراطور رهيبة وقطع بندورة وكبيس ورشة نعنع وشوية لفت. كمان صحن الفلافل مع الكبيس واللفت والبندورة عندهن مافي أطيب منو!

وشوفوا حتى الأسطورة عباس شاهين بياكال هون!

الرقم: 331 530 03

٤. فلافل فريحة، الأشرفية

ما فينا نجيب سيرة الفلافل بلا ما نحكي عن فلالفل فريحة! هل محل بيعمل طارطور بطريقة كتير كريمية وبتشهي، الخلطة السرية عند فريحة بتعطيكن فلافل غير شكل. ساندويش الفلافل عندن بتاخد العقل محشية بقدونس ونعنع ولفت وكبيس وبندورة وفليفلة وشقف الفلافل لي بتقرش قرش بتمكن ولي مغطسة بالطرطور وخلطة سرية.

الرقم: 608 321 01

٥. فلالفل أبو الكرم، الحمرا

فلافل على أصولها ذهبية ومحمصة مع أطيب تتبيلة ما بينقلها لأ! كل قرص فلالفل أطيب من التاني بتغطسوا بالطرطور، أما صحن الحمص مع قراص الفلافل كتير قوي! هل محل مش بس بيعمل فلالفل عادية، بيعمل فلالفل فيغان صحية ومنا مزيتة أبداً. وأطيب غدا على الريق لعشاق الفلافل ساندويش مغمسة بالطعمة الطيبة وكل كدشة منها أطيب من التانية. شوفوا النكهة المميزة بمزيج التوابل السرية لتتمتعوا بكل لقمة. ولا أطيب من هيك ساندويش مع رشة سماق على وج الطرطور!

الرقم: 619 287 71

شوفوا كمان، أطيب ٥ محلات برغر ببيروت.