بنص الشتوية: ١٧ شغلة تعملوها بضيعة حدث الجبة

حدث الجبة من أجمل الضيع الموجودة بلبنان، بتتميز بموقعها الساحر على الوادي وببيوتها العتيقة لي بتطل على مناظر خيالية. من بعد ما خبرناكن عن ١٧ شغلة تعملوها بضيعة كفردبيان، اليوم منخبركن عن ١٦ شغلة تعملوها بضيعة حدث الجبة.

١. بلشوا نهاركن بترويقة بلدية غير شكل عند كافي ورد

بقدم أكل بيتوتي وأكلات معمولة من مكونات بسيطة متل البيض البلدي بالفخارة، الخبز بزنجبيل، البطاطا المشوية على الصوبيا، والبندورة جبلية

وما فيكن إلا وما تجربوا عندن ورد شراب الورد الجبلي قبل ما تفلوا، حتى ريحتو من السما!

الرقم: 652 621 06

٢. جيبوا معكن قنينة فاضية لتعبوا مي من عين الضيعة لي ما في منا ببيروت!

٣. زوروا كنيسة مار دانيال الأثرية لي عمرها فوق ال1200 سنة

٤. زوروا وادي الطواحين الأثري لي في طواحين أثرية

٥. تفرجوا على مغارة العاصي من بعيد

هل مغارة الشهيرة لي تخبوا فيها أهالي الضيعة وقت هجوم المماليك الشرس

تم الإكتشاف فيها 7 مومياءات وفخار وغراض كانوا يستعملها الناس الموجودين

٦. اكتشفوا النواويس والمغاور القديمة المخباية بالضيعة

هل مخابئ كانوا أهالي الضيعة يلجؤوا لإلها وقت الخطر

٧. عملوا درب المشي بقلب غابات الضيعة صوب وادي قنوبين

May Jaafar@

٨. كفوا لتوصلوا على غابة أرز حدث الجبة يلي تعتبر أكبر غابة أرز بكل لبنان وبتوصل على نيحا وقنات وتنورين

Ali Badawi@

٩. كلوا أطيب لقمة عند ديوان الرومي

فيكن تستمتعوا بالأكل اللبناني والكبة الشمالية أو تاكلوا بيتزا وبرغر وغير قصص بحبها قلبكن

بس تخلصوا ما تنسوا تتحلوا بأطيب كاسة سحلب مع كعك

الرقم: 498 984 78

١٠. زوروا كنيسة الرب لي واقفي على راس الجبل ولي تعتبر أعلى كنيسة بالشرق الأوسط

١١. تمشوا بشوارع وزوايا الضيعة وتفرجوا على البيوت الأثرية وخدوا أجمل الصور

Ali Badawi@

Ali Badawi@

١٢. زوروا مبنى البلدية الأثري لي علي ختم سلطان العثماني

من المرجح هل بيت كان بيت أحد السلاطين العثمانية

١٣. تفرجوا على قناطر القصور العتيقة لي بتوقف القلب

Live Love Hadath El Jebbeh@

١٤. عملوا بيكنيك على التلجات وولعوا نار لتدفوا منيح

Live Love Hadath El Jebbeh@

جيبوا معكن أكل طيب وشراشف وبريق شاي وبطاطا للشوي

Live Love Hadath El Jebbeh@

١٥. فيكن ترجعوا تنهوا نهاركن عند كافي ورد إذا عبالكن قعدة حميمة ومكنكنة على الموديل القديم

نقول واستحلوا الأكل لي عبالكن وما تنسوا تنبسطوا من قلبكن رح تعيشوا تجربة الأكل بقلب الفخارة

الرقم: 652 621 03

١٦. قضوا ليلة من العمر عند أوتيل أوبيرج Auberge

بيتميز هل أوتيل بقعدة تقليدية جبلية على الموديل العتيق

اتمتعوا بأطيب ترويقة بلدية على الصبح وبقعدة خرافية

١٧. فيكن كمان تقضوا ليلة حلوة كتير ببيت الحارة

بيت بسيط ومكنكن بعيشكن حياة الضيعة بكل تفاصيلها

صوبيا ، مرجوحة، بيت حجر وجلسة شتوية دافية حد النار

الرقم: 190 329 70