شو معنى أسامي هال-٨ ضيع بكسروان؟

سبق وخبرناكن معنى أسامي هل-٩ ضيع بالبقاع! اليوم مننتقل على كسروان. قضاء كسروان غني بالبلدات الجبلية والحرجية ولتنعرف أكتر على جمال هل مناطق الساحرة ببلدنا لي بضم عدد كبير من الآثار العتيقة والبيوت التراثية والطبيعة الخلابة، رح نروح زيارة على كسروان لنخبركن عن كل ضيعة وشو بتشتهر أكتر شي وأصل تسميتها السامية. ١. عشقوت هل ضيعة الكسروانية هيي صلة الوصل بين الضيع الكسروانية وبتشتهر بتربتها البركانية السودا لي بتكتر فيها الصخور والمغاور وكمان بتتميز بزراعة الكرمة. بتعني تسمية عشقوت باللغة السريانية “Asquta” أي “الأرض الخشنة والمتمردة”، لأن كانت كسروان بالسابق معروفة بالمنطقة “العاصية” أو “المتمردة”.

Sassine Fahed

٢. وطى الجوز وطى الجوز من أجمل الضيع الموجودة بكسروان، بتتميز بطقس جبلي بارد بالصيفية وبالشتوية بتسقع الدني منيح بس بالحالتين بيحرز المشوار. ضيعة وطى الجوز إسم على مسمى، بتدل هل تسمية باللغة السامية على غنى هل الضيعة بالجوز، وبتقول الأسطورة إنو ضيعة وطى الجوز أول ضيعة بجبل لبنان وصل لإلها التبشير الماروني لعند الكنعانيين بعد قدوم ابراهيم على الضيعة لي يقال إنو صار يفقي جوز وانغرم بأرضها وبثمرتها الذهبية فصار يرتل ويصلي كيف ما يروح ويجي، وهيك انبهروا أهل الضيعة بجمال الصلوات وهيك الضيعة حملت هل إسم للأبد. I Dream of Lebanon@ ٣. حراجل من أجمل المصايف بلبنان لي بتتميز بالبيوت الريفية الجبلية وبطقسها الريفي البارد، غنية بشجر التفاح وبطبيعتها النقية وآثارها وتراثها و”بنبع المغارة” يلي بغسل أراضيها. كلمة حراجل بتعني غابة الله باللغة الفينيقية، فالحرج هوي الغابة والجزء التاني من الكلمة ايل بيعني الله.

Charbel J. Zoughaib

٤. فاريا من أجمل الضيع الموجودة بلبنان، هل منطقة السياحية مقصد عشاق الطبيعة، الجمال والهدوء والسكينة وقعدة الحطب والخشب وعشاق رياضة السكي. هل منطقة غنية بالشاليهات والبيوت الخشب والمطاعم وبتتمتع بموقع مميز. بيعني إسم “فاريا” “أرض الفواكي والخضرا” باللغة الفينيقية نظرًا لخصوبة تربتها.

Jubran E. Elias

٥. كفردبيان تعتبر ضيعة كفردبيان من أكبر وأجمل الضيعة الموجودة بلبنان، قاعدة على أعالي كسروان ومغطاية بالجوهرة البيضا معظم فصول السنة. بتتميز بمعالمها الطبيعية والأثرية متل التلج الأبيض الكثيف وجسر الحجر والقلعة الأثرية الشاهدة على تاريخها الغني وحضارتها القديمة. معنى هل ضيعة جايي من من كفر تابيونه باللغة السريانية وبيعني “قرية الغزلان”.

Kfardebian

٦. يحشوش يحشوش من أجمل الضيع الموجودة بكسروان وبتتميز بالمناظر الطبيعية الخيالية وبتمتد وديانها على مجرى نهر أدونيس وبتتماوج على مد عينكن والنظر لتشكل لوحة فنية خيالية. أما تسميتها، فيحشوش كلمة جايي من السرياني من كلمة “حوشوشو” وبتعني “الإله المتألم والمتعذب”.

Ali Badawi

٧. عجلتون عجلتون ضيعة مميزة بتفاصيلها البسيطة والحلوة، قريبة من الساحل وفيها جو الضيعة بنفس الوقت، مشبعة بالبساطة والتراث والهدوء والجمال الأصيل. كلمة عجلتون جايي من الفينيقي وبتعني “المكان مدور أو المستدير” أو مكان” للتدحرج”.

Joseph Semaan Semaan

٨. غوسطا غوسطا ضيعة جبلية بتتميز بالمناخ الحلو والمواقع البانورامية الخضرا وتعتبر بلدة الضيافة والمونة والصنوبر المعمر والثقافة لي حضنت مدرسة “عين ورقة” لي كانت معروفة بالزمانات “بسربون الشرق”. بتختلف تفسيرات إسم هل مكان البعض بقول إنو هل إسم تحريف لإسم “أوغوستا” (Augusta) وبيعني الكبر والعظمة، والبعض بقول إنو هل منطقة حملت إسم إبنة اغوسطوس قيصر لي كانت تتخذ من قلعة غوسطا مقر إلها .

Charbel Meer

شوفوا كمان، ٤١ عبارة كسروانية قح بيقولوها بس أهالي كسروان.