مطعم معلق بالورود مع أطيب أكل بيخطر على البال بطرابلس

لأنو عودناكن على المشاوير الحلوة والقعدات المهضومة، إطلعنا اليوم على مدينة طرابلس القريبة للقلب، ووزرنا مطعم مميز ما صرلو كتير فاتح اسمو مطعم ورد، هالمطعم بقدم عالم من الورود والأكل العالمي الطيب، كفوا معنا لتشوفوا شو مخبي.

إذا انتو بتحبوا تاكلوا مع قعدة عنجد لزيزة، مطعم ورد عامل ديكور حرفياً من الورد المعلق بالسقف، مطرح كتير حلو تجربوا القعدة فيه وتستمتعوا بالديكور الحلو على عزيمة مع أصحابكن… لكل وردة طعمة!

عندو بفرفح القلب، إذا عبالكن ترويقة طيبة فيكن تجربوا سفرة بلدية مع لبنة ومكدوس وزيتون وبيض مقلي وزعتر، زبدة ومربى، حمص وفول، فوتة محرزة، حتى عندن البيض المسلوق كتير بشهي، وكمان بتلاقوا معجنات مختلفة من كعك ومناقيش وصفيحة، عم تتخايلوا أديه في عندكن اشيا تجربوها على الترويقة؟

بيتفنن كتير بالسلطات وخصوصي سلطة الكراب، سلطة القرديس، وسلطة السيزار بالدجاج، وإذا عبالكن شي خفيفي وطيب جربوا سلطة الفريز بالروكا، بتاخد العقل! أمّا الزنجر برغر عندو مقرمشة على الآخر ودسمة، ضروري تجربوها. عندو أكل عالمي متنوع، وسندويشات كتير طيبة، بيعمل ستيك طعمتو فخمة ومعمول على القد، وبيقدم أكل بحري متل قريدس بالكاري أو سلمون مشوي كتير طيب، إذا بتحبوا الدجاج المطبوخ عندو أطباق مختلفة بالدجاج من أكل مكسيكي دسم وأكل هندي مبهّر مزبوط!

وحتى عندو أكل إيطالي طيب، باستا البومودورو، أو باستا بالجبنة أو بالقريدس أو الألفريدو، أو حتى باستا بالبيستو مع دجاج، بتلاقوا كل شي ممكن يخطر عبالكن، هيدا عدا عن البيتزا مارغريتا، بالخضرا، بالبيبيروني، بالقريدس، البيتزا المكسيكية كمان، وأكتر من هيك في البيتزا الإيطالية لي فيها 4 أنواع جبنة من الفيتا وغوت تشيز والبارميزان والموزاريلا ، أو فيكن تنقوا البيتزا كرايزي من إختراعن!

شو بعدكن ناطرين؟ يلا عزموا رفقاتكن على أكل طيب وقعدة كلها جمال وسحر.

للمزيد من المعلومات، اتصلوا على 581 474 81 – 457 411 06

شوفوا كمان، عيشوا جو روما من هالمطعم الإيطالي الجديد ببيروت.