٦ مطارح لموعد غرامي أوّل ببيروت بموسم الحب

شو؟ في حدا هيك هيك؟

إجا موسم الحب وقرّب الفلانتين والكل عم يفتشوا على مطرح مثالي مغمور بالجو الرومانسي، بحال كنتوا متعرفين على حدا جديد أو معجبين بحدا وعبالكن تعزموهن، شوفوا معنا مطارح لموعد غرامي أول ومميز ببيروت هالموسم.

1- Bavaglino – الأشرفية، درج مار نقولا

ما بيكمل موسم الحب من دون الجو الإيطالي، هالمكان بياخدكن على شوارع روما بأكلو الطلياني الطيب والشراشف البيضا والحمرا مع الأضوية الرومانسية، خصوصي انو موقعو على درج مار نقولا كتير مهضوم.

الرقم: 080 091 81

2- Badguer – برج حمود

إذا حابين تتعرفوا على حدا جديد على رواق بمطعم ثقافي وبجو مميز وبيتوتي، مطعم Badguer بعيّشكن جو الحضارة الأرمنية على أصولها، بتنبسطوا بمانتي السبانخ وسلطة الباذنجان والمحمرة وغيرها من الأطباق الشهية على صوت موسيقى البيانو.

الرقم: 214 240 01

3 – L’Appartement – الأشرفية

إستأنسوا بموعدكن الغرامي بهل الكافيه و-pub اللزيز، عنده قعدة داخلية قديمة ومكنكنة بتنسيكن إنكن ببيروت.

الرقم: 370 436 03

4 – مكان – مار مخايل

عبالكن تجربوا أكل عالمي فريد من نوعه بجو هادي وكلاسيكي؟ مطعم مكان عندو أكل طيب وديكور فني وجو ثقافي مع جنينة بتفرفح القلب، هالمطرح روعة إذا انتو من النوع اللي بيتوتر بأوّل موعد، خصوصي لما بدكن تتعرفوا على حدا جديد.

الرقم: 057 540 70

5 – L’autre Bistro – الحمرا

إذا عبالكن كاسة نبيد مع جو دافي وساحر، هالمحل كتير رومانسي لأي موعد غرامي. رح تنسحروا على الآخر بالجو المكنكن اللي بيفتح القلب والأكل اللي بشهي!

الرقم: 501 742 01

6- The Attic Bar – بدارو

إذا انتو من الأشخاص اللي بحبوا يسهروا كموعد غرامي أوّل، هالبار بقلب بدارو عندو جو عتيق وقديم مليان أنتيكا، وبيقدم مشروب غير شكل وموسيقى مهضومة لتنبسطوا وتكنكنوا مع الحبيب.

الرقم: 073 382 01

شوفوا كمان، ٦ كافيهات مع قعدة جنينة ساحرة ببيروت.