تشيز أون توب: محل البرغر المفضل عندكن وصل على الحمرا

حزروا شو؟ خبرية كتير حلوة لمحبي البرغر! محل البرغر الأمركاني الشهير Cheese on Top تشيز أون توب يلي فتح من سنتين وكسر الأرض قرر يتوسع ويفتح فرع جديد بشارع بليس بالحمرا ببيروت.

هل محل فتح أول مرة بفرن الشباك وحقق شعبية رهيبة، فرجع فتح فرعو التاني بذوق مصبح وهلق وصل على قلب قلب بيروت ليجبلكن كل الأكلات الطيبين الملغومين بالجبنة.

هل محل معروف بالبرغر الطيبة لي بيعملها والجبنة السايلة على الوج. فتح سنة 2021 ومن وقتها لهلق ما بيهدا وحتى العالم بتوقف بالصف لتفوت لعندو.

بس يفتح ببيروت، ضروري تجربوا كل شي عند هل محل لأن كل شي ملغوم بالجبنة، البرغر، البطاطا، الدجاج والساندويشات: ريحة ومنظر شي رهيب!

البرغر الشهيرة عندو بتجي مع إبرة مليانة جبنة! كبسوا واستمتعوا بكل لقمة: رح تعيشوا لحظات ما بتكرر! وكمان لازم تجربوا أصابع الموتزاريلا المحشية جبنة دايبة لتكتشفوا كل طعمات الجبنة بالمحل.

فإذا ضرب الجوع بعد نهار طويل ومتعب وإنتو ببيروت صرتوا تعرفوا وين تروحوا!

خبرونا، قدي محمسين؟

للمزيد من المعلومات اتصلوا على 266 288 01

شوفوا كمان: ٣ مطاعم لبنانية على لائحة أفضل مطاعم بالشرق الأوسط وشمال أفريقيا.