٤ محلات فيكن تطلبوا منن ساندويشات دجاج غير شكل

أكيد كتار منا بيشتهوا ساندويش الدجاج على القليلة مرة بالأسبوع. شو في شي أطيب من ساندويش دجاج مشوية على الفحم مع زيادة توم ومحمصة بقلب الخبزة منيح؟ أكيد ولا شي … كرمال نعرفكن على مطاعم بيعملوا ساندويشات دجاج على الفحم طيبين، رح نعمل جولة على ٤ محلات من حول لبنان لازم تجربوها.

١. شكور تشيكين

البروستد كتير طيب عندن ومغطس بتتبيلة بتفتح النفس مع خبزة مبلولة بالصلصة. مش بس هيك بيعمل ساندويشات دجاج على الفحم كمان مع زيادة توم ما في متلن بالعالم. إذا عبالكن تجربوا شي تاني قوي لازم دوقوا البرغر البومبا لي بيعملها والكرسبي تشيكن مع كبيس وتوم وبطاطا.

الفرع الأول: بعبدا

الفرع التاني: عاليه

الفرع التالت: بعلشميه

الرقم: 807 923 05

٢. مشاوي الكرم، كفرشيما

هالمحل معروف بالدجاج المشوي على الفحم مع الكبيس والبطاطا والتوم المدلوقين بقلب خبزة محمصة وأكيد بالكرم الزايد. كل الناس بتحكي عن دجاجات كينغ فادي قدي لذيذين وطرايا وكمان بالكمية الكبيرة لي بحطها بقلب الساندويش! إذا عبالكن شي قوي وفخم على الآخر ما إلكن غير تطلبوا طبلية الكينغ لي بتجي ساندويش مقطعة مع مختلف الصوصات الطيبة وبطاطا مقلية بتقرقش وكبيس.

الرقم: 191 471 71

٣. البواري شمعون، جونية

فروج الفحم عند البواري ما بتحسوا في قد ما طري ومشوي على المزبوط- رح تاكلوا فروج محمر ومسقسق! أما ساندويش دجاج على الفحم الشهيرة عندو رح تبقى طعمتها تحت ضرسكن قد ما طيبة. ملفوفة بخبرة طرية مع دجاج مشوي على الفحم، بتتحمر على المنقل وبينزدلها توم ولا أطيب من هيك، توم معمول على الإيد مع خلطة سرية ما بتلاقوها بغير محل وقطع كبيس وهيك بس من بعدها أكيد ما في ساندويش! مين قدها؟

العنوان: أوتوستراد جونية

الرقم: 822 399 03

٤. فخري تشيكين

خلطة الفروج سحرية من 40 سنة مكونة من بهار وطحين وكمان فيكن تدوقوها بقلب ساندويش أو تختاروا تاكلوا الفروج على الفحم لحالو وتتقاسموا مع أصحابكن. صراحة، ساندويش الدجاج عندو لو بتبرموا لبنان كلو ما رح تلاقوا متلا، التوم لي عندو معمول من خلطة خاصة والدجاج محضر بتتبيلة سحرية، عنجد قصة!

الفرع الأول: الحازمية

الرقم: 988 454 05

الفرع التاني: المنصورية

الرقم: 829 654 01

الرقم: 988 454 05

شوفوا كمان، ٤ مطاعم عم يعملو فوندو جبنة دايبة.