في موضوع مهم لازم نحكي في: كنافة نابلسية مشوية على الفحم

لأول مرة بالبترون كنافة على الفحم غير شكل!

هل محل موجود بالبترون وبقدم أطيب صنية كنافة نابلسية، وكمان كعكات كنافة على نوتيلا كتير مهضومين! تعرفوا معنا على هيدا المحل معنا.

بيت الكنافة النابلسية أو House of Kounafa Naboulsiya محل خص نص للكنافة بالبترون وبقدم شغلة وحدة بس، الكنافة النابلسية!

نسوا الكنافة بكعكة يلي معودين عليها، بيت الكنافة النابلسية بقدم كنافة نابلسية لا يعلو عليها، بتشتهوها بس من الصور.

الكنافة عندن مش كنافة عادية، مشوية على الفحم وفيكن تطلبوها على الغاز كمان. بص صراحة مننصحكن بالكنافة على الفحم، كل المكونات محضرة على الإيد بكل حرفية مع جبنة عكاوي مدلوقة على الوج، مشوية على الفحم منيح لتستوي وبعدين بينرش عليها القطر والفستق المطحون: يا ويلي شو طيبة!

هالكنافة يلي مصنوعة من جبنة عكاوي ومحلاية بقطر منكه بمي الورد حتخليكن ترغبوها كل يوم على التروية!

لمحبي الشوكولا ضروري تجربوا الكنافة النابلسية على نوتيلا المحشية شوكولا مع صوص نوتيلا على الوج ورشة فستق: لكل لي ضرسن حلو أكيد.

صراحة فيكن تضلوا تاكلوا كنافة من عندن ترويقة، غدا، وعشا قد ما طيبة!

شو ناطرين؟ حلو نهاركن بأطيب كنافة بترونية!

لتعرفوا أكتر عن هل محل اتصولوا، على 033 996 71

شوفوا كمان، ٤ محلات فيكن تطلبوا منن ساندوتشات دجاج غير شكل.