شوفوا مطارح مهضومة لنشاطات مع العيلة والولاد

زهقتوا من القعدة بالبيت وعبالكن تغيروا جو مع العيلة؟ إذا عم تخططوا لضهرة مهضومة تنبسطوا فيها مع ولادكن، شوفوا هل كم مطرح لنشاطات عائلية مختلفة وممتعة.

1- Farmville – الباروك

اعملوا ذكريات حلوة ما بتنتسى بفارم فيل، عندن بيوت ضيافة خشب، ترويقة لبنانية غير شكل، نشاطات زراعية وريفية، لتقضوا وقت حلو مع حيوانات المزرعة، ولتستمتعوا بسهرات موسيقية جنب النار، وفي كمان جنينة مهضومة للعب، وقصص كتير ممتعة وبتسلي الولاد! هيدا عدا انو جو المنطقة رايق، عندن فيو روعة، وبتقضوا وقت حلو بقلب الطبيعة.

الرقم: 811 711 76

2 – Swings Camp – زرعون، المتن

هالمخيّم مثالي لمحبي المغامرة، عندن حديقة للألعاب الحماسية، كافيتيريا، خيمة دافية تحت ضو القمر، ألعاب متنوعة، ومشاوي غير شكل، بتنبسطوا بقعدة نار مع العيلة إنتو وعم تاكلوا بطاطا حلوة مشوية.

الرقم: 648 796 03

3. Chebanieh Home & Garden – شبانية

اهربوا من الهموم والمشاكل على هالمطرح الساحر، رح تلاقوا حديقة كبيرة بالطبيعة للولاد وبيوت ضيافة آخر رواق، قضوا وقت بالطبيعة الحلوة وحضروا حالكن لتنبسطوا كتير مع العيلة.

الرقم: 481 265 03

4. مطعم بيوماس – جربتا

مطعم بيو ماس بجيب اللقمة من الجنينة على السفرة، وبيقدم أكل لبناني تراثي بذكركن بجو البيت، كمان عندن مساحات روعة لتقضوا وقت حلو مع الولاد.

الرقم: 532 532 03

5- Country Lodge Club – بصاليم

بتعرفوا انو بكونتري لودج فيكن تستمتعوا ببوفيه خصوصي للعيل، دروس رياضية، رقص زومبا، ونومة مهضومة؟ أوتيل ضروري تجربو مع العيلة شي ويك-اند.

الرقم: 502 710 04

شوفوا كمان، عشا بالقطار أو قعدة عالبحر؟ شوفوا هالمطاعم لتجربة رومانسية فريدة.