٧ مطاعم رومانسية لتقضوا ليلة حب مهضومة ببيروت

عبالكن تروحوا سهرة مهضومة نهار فالنتين من دون ما تبعدوا كتير ومن دون عجقة الفنانين والرقاصات، فيكن تروحوا على مطعم مهضوم بشوارع بيروت وتقضوا ليلة حلوة مع أكتر حدا قريب على قلبكن وتعملوا ذكريات حلوة كتير من دون ما تعجقوها على حالكن. لهيك جمعنالكن مجموعة من المطاعم الرومانسية الموجودة ببيروت، لي فيكن تقصدوها مع حبيبكن نهار عيد الحب.

١. مارينيلا، مار مخايل

هيدا المحل من أجمل وأطيب المطاعم الإيطالية ببيروت، قعدتو كتير رواق ومرتبة، الديكور موديرن وساحر وأكلو بشهي. بتقعدوا سوا وبتتأملوا ببعض وبتحكوا كل شي عبالكن تحوا إنتو وعم تستمتعوا بالأكل الطيب والمشروب.

الرقم: 342 442 01

٢. دا صوفيا، بدارو

جوهرة مخفية بمنطقة بدارو بيطغي عليها الجو الرومانسي مع مأكولات طليانية رح تجذبكن دغري. بتتميز القائمة الإيطالية بأطباقها التقليدية متل باستا بالمأكولات البحرية، معكرونة كاربونارا، البيتزا، الريزوتو، و كتير غيرن! ساحر وخفيفض الإضاءة بيجذب كل العشاق حول قعدة رومانسية وشوية حكي حب وغزل مع كاسة نبيد.

العنوان: أويتل The Smallville، بدارو، بيروت

الرقم: 552 995 70

٣. لو روليه دو لانتركوت Le Relais de l’Entrecôte ،الأشرفية

من أطيب المطاعم لي بتعمل ستيك فرنساوية بلبنان مع بطاطا على الأصول وشموع وأضوية خافتة وأجواء رومانسية. يعني بتجوا بتقعدوا بالأجواء الرومانسية وبتطلبوا الentrecôte الشهيرة وبتعيشوا أجواء الحب ببساطة.

الرقم: 088 332 01

٤. بافاغلينو، الأشرفية

على درج مار نقولا قاعد مطعم إيطالي رومانسي، مزين بالورود والمصابيح والشرشف الأبيض والأحمر، بيعمل أطيب صحون باستا مع نكهات وخلطات أعشاب بتشهي ومجموعة من المأكولات الإيطالية التقليدية. كتير مهضومة القعدة وخرج صور تذكارية!

الرقم: 080 091 81

٥. ماريو إي ماريو، الأشرفية

أول شي بيجي على راسنا بس نفكر بعيد الحب المطبخ الإيطالي التقليدي، وهل محل جنة إيطالية بتلاقوا عندو أطيب أنواع المعكرونة الإيطالية المعمولة بحب وغرام مع خلطة سرية. بتجوا، بتلاقوا قعدة جوا بتاخد العقل وبتاكلوا أطيب أكلة عندكن وبتعملوا ذكريات ما بتنتسى.

الرقم: 036 888 76

٦. لوتر بيسترو L’autre Bistro، الحمرا

مطعم كتير مهضوم بيتميز بجو رومانسي ومكنكن، بقدم سفرة مستوحاة من البحر المتوسط وأطيب أنواع النبيد. بتجوا، بتنقوا قعدة دافية ورايقة وبتستمتعوا بكل لقمة وبكل نظرة.

الرقم: 501 742 01

٧. لا ميناجري La ménagerie، الأشرفية

هيدا المحل عبارة عن مطعم ومحل ورود بنفس الوقت، يعني ما في أجمل من هيك مطرح لتحتفلوا بحبكن. بتجعوا بتقعدوا بقلب الديكور الروعة، بتتمتعوا بالأكل الطيب وبتشتروا أحلى وردة، القعدة حجر ودافية والأكل طيب ومحضر بدقة وبتستحتلوا تجربوا الأطباق المختلفة لي ما بتلاقوها بغير محل وأكيد رح تاخدوا أجمل الصور.

الرقم: 206 201 01

شوفوا كمان، أسعار حفلات فالنتاين هل السنة بلبنان.