٣٠ متل لبناني عن الحب والجازة بفطسوا ضحك

بما انو عرفناكن قبل على أمتال لبنانية مهضومة عن شهر شباط، تعرفوا معنا اليوم على أمتال لبنانية شعبية عن الحب والجازة بفطسوا ضحك، خصوصي انو اليوم الفالنتاين وجو الحب مولع نار!

1- إذا قلتلَّك تقبرني بتجيب المجرفة وبتطمني؟

2- الفقر بيفوت من الباب والحُب بيهرب من الشباك

3- تجوزنا وجبنا غريبة، زِوان بلادك ولا القمح الصليبي

بمعنى الجازة من بنت البلد أحسن من الجازة لبنت أجنبية

4- العريس اخذ العروس، والمعازيم رجعوا متل التيوس

5- قالو: حبني وخدلك جحش، قالو: المحبة ما بتصير دحش

6- اللي بيأخذ من غير ملتو بيموت بعلتو

اللي بيتجوز برات العيلة أو القبيلة بتطلع براسو

7- خليكي عند أهلك عزيزة وشبعي دلال صح كتار الشوراب بس قليلين الرجال

8- ألف دعوة ما مزّقت قميص، وألف زلغوطة ما جوّزت عريس

9- المَيّ والنار ولا حماتي في الدار

10- الجازة صندوق مسكر

11- بيّو بصل وأمّو توم، ومن وين بدها تجي الريحة الطيبة؟

12- ثلاثة ما بيتخبّوا: الحُب والحَمل وركوب الجمل

13- جَوزِك على ما عوَّدتيه، وولدِك على ما ربَّيتيه

14- حظّو من السما اللي بتحبّو الحما

15- شو بدي اترجى منك يا سفرجلة وكل عضة بغصّة؟

16- طنجرة ولقت غطاها

17- القرد بعين إمّو غزال

18- متل الزهر، بيغيب سنة وبيحضر شهر

19- جازة وجوزتك حظ مين بجبلك

20- يلّي خاف من العروس ما جاب ولاد

21- يوم عرسه وجعه ضرسه

22- بدّك تبهدل رجّال، فلِّت عليه مرا

23- اللي ما فيه لمرتو بيرجع لحماته

24- خايف هزك يا غربالي يوقع منك كل عزيز وغالي

25- اللي ما بدو يجوز بنته بيعلي مهرها

26- شيل الريحانة وشمها وخود البنت على ريحة أمها

27- يللي إلو غايب بضل قلبو دايب

28- العروس قبل الإكليل ما بتعرف لمين بتصير

29- المجوز طالع عتال ونازل زبال

30- مش عارف من العشق إلا كلمة وحشتونا

بتنقال عن الشخص اللي ما بيتذكر يشتقلك الا لما تشوفوا

بدكن تضحكوا؟ شوفوا عبارات غزل عاللبناني بتفطس ضحك.